Is-shara Birikken Ulttar Uıymynyń Azyq-túlik jáne aýyl sharýashylyǵy jáne Dúnıejúzilik janýarlar densaýlyǵy uıymynyń qoldaýymen, Batys Eýrazııa óńiri úshin aýsyl boıynsha epıdemıologııalyq jáne zerthanalyq jelileriniń otyrysy aıasynda uıymdastyryldy.
Jıynǵa Aýǵanstan, Armenııa, Ázirbaıjan, Grýzııa, Iran, Qyrǵyzstan, Pákistan, Tájikstan, Túrkııa, Túrikmenstan jáne О́zbekstan elderiniń aýsylmen kúres júrgizetin zerthanalyq jáne epıdemıologııalyq máseleler boıynsha bas veterınarııalyq ınspektorlar jáne taǵaıyndalǵan ulttyq úılestirýshiler, sondaı-aq, Azyq-túlik jáne aýyl sharýashylyǵy uıymy, Dúnıejúzilik janýarlar densaýlyǵy uıymynyń ókilderi men referenttik zerthanalardyń ókilderi qatysty.
Atalǵan keńes aıasynda AShM Veterınarlyq baqylaý jáne qadaǵalaý komıteti tóraǵasynyń orynbasary G.Nurtazına Batys Eýrazııanyń aýsyl boıynsha Jol kartasynyń qorytyndylary men óńirlik basymdyqtary taqyrybynda baıandama jasady.
Baıandamada aýsyldy progressıvti baqylaý maqsatyndaǵy eýrazııalyq elder arasyndaǵy óńirlik ózara kooperasııa aýrýdyń 2025 jylǵa qaraı klınıkalyq kórinisinen erkindikke ákeletini jáne bul ekonomıkalyq damýǵa jáne kedeılik deńgeıin tómendetýge yqpal etetini atap ótildi.
Keńes qorytyndysy boıynsha aýsylmen kúres boıynsha negizgi basymdyqtar aıqyndaldy, sondaı-aq Batys Eýrazııadaǵy aýsyldy baqylaý boıynsha Jol kartasyna sáıkes qolaısyz elder úshin ál-aýqat mártebesin alý boıynsha odan ári qadamdar aıqyndaldy.
Aýsyl aýrýy eń tanymal juqpaly vırýstyq aýrýlardyń qataryna jatady jáne ekonomıkalyq, áleýmettik jáne ekologııalyq apattyq saldarǵa ákelýi múmkin.
