BCC jazýynsha, Fýkýoka qalalyq soty 74 jastaǵy Nomýra Satorýdy tórt shabýylǵa tapsyrys berdi dep aıyptady. Shabýyldardyń birinde bir kisi qaza taptqan. Nomýra Japonııanyń ońtústik-batysyndaǵy Kýdo-kaı sındıkatyn basqarady.
Jergilikti buqaralyq aqparat quraldarynyń habarlaýynsha, úkim Nomýraǵa qarsy tikeleı dálelderdiń joqtyǵyna qaramastan shyǵarylǵan. Aıypty kinásin moıyndamaǵan. Endi apellıasııalyq shaǵym túsirmekshi.
Prokýrorlar Nomýranyń zorlyq-zombylyq shabýyldaryna tapsyrys bergeni týraly tikeleı aıǵaq bolmasa da, qylmystyq topty absolıýtti túrde basqarýy jaýapkershilik alýǵa jetkilikti ekenin dáleldedi.
Aıta keteıik, 1998 men 2014 jyldar arasynda bolǵan tórt shabýylda balyq aýlaý kooperatıviniń burynǵy basshysy qaza taýyp, taǵy úsheýi, sonyń ishinde polıseı jaraqat alǵan.
Seısenbide Nomýraǵa úkim shyǵarǵan sýdıa onyń áreketin óte qatal dep atady.
Iаkýdzalar toby Japonııada zańsyz emes. Sarapshylardyń aıtýynsha, olar eldegi esirtki saýdasynan bastap, jezókshelikke deıin, qor naryǵynda aıla-sharǵy jasaýǵa deıingi qylmystyq áreketterdiń barlyq salasyna qatysady.
Boljam boıynsha, elde birinshi ret japon ıakýzda mafııasynyń basshysy ólim jazasyna kesilgen.
