Saıasat • 26 Tamyz, 2021

Erekshe qamqorlyqta bolatyn balalar

131 ret kórsetildi

Nur Otan partııasy Tóraǵasynyń birinshi orynbasary Baýyrjan Baıbek jańa oqý jyly qarsańynda Bilim jáne ǵylym mınıstri Ashat Aımaǵambetovpen birge elordadaǵy «Qyz Jibek» balabaqshasynda boldy. Osy balabaqshada «Bolashaq» korporatıvtik qorynyń bastamasymen eń birinshi ashylǵan ınklıýzııany qoldaý kabıneti bar.

«Bolashaq» qory Qamqorshylyq keńesi qurmetti múshesiniń aıtýynsha, búginde Qazaqstanda 160 myńnan astam erekshe bilim alýǵa qajettilikteri bar bala tirkelgen, onyń ishinde 35 myń bala aýtızmmen aýyrady. Sondyqtan bıyl qurylǵanyna 10 jyl tolyp otyrǵan qor jumysynyń negizgi baǵyttarynyń biri – «Ár bala mektepke barýǵa laıyqty» ınklıýzıvtik bilim berýdi damytý jobasy.

– Osy jyldar ishinde bola­shaq­tyqtardyń yqylaspen atqarǵan izgi isiniń arqasynda óńirlerde 59 mamandandyrylǵan ońaltý mekemesi ashylyp, jabdyqtaldy. Onyń ishinde 22 qalada 43 ınklıýzııany qoldaý kabıneti ashyldy. Erekshe bilim alýǵa qajettiligi bar 2 myńnan astam bala qamtyldy, onyń ishinde 600 bala úıde bilim alýdan shyǵaryldy. Inklıýzıvtik bilim berý salasynda 420 jańa biliktiligi joǵary jumys orny ashyldy. 2 myń maman men ata-ana arnaıy dáris aldy. Memleket deńgeıinde júıeli túrde sheshý úshin qor zańnama aktilerine 70-ten astam usy­nym men túzetý engizdi, – dedi B.Baıbek.

Sonymen birge ol «Bolashaq» qory­nyń sarapshylary Nursultan Nazar­baev qoryna turaqty túrde konsýl­tatıvtik qoldaý kórsetetinin atap ótti. О́tken jyly qordyń 8 óńir­de 16 ınklıýzııany qoldaý kabınetin ashýy, sondaı-aq kelesi jyldyń sońyna deıin aýtızmmen aýyratyn jáne basqa da mentaldy aýytqýlary bar balalar úshin sońǵy úlgidegi úzdik tehnologııalardy endire otyryp, taǵy da 8 zamanaýı eńseli ortalyq salýdy josparlaýy mańyzdy qadam boldy.

– Erekshe qajettilikteri bar balalarǵa qoldaý kórsetý partııa Lıderi Nursultan Nazarbaevtyń budan 7 jyl buryn bastamashy bolǵan «Kedergisiz keleshek» jobasy men Memleket basshysy Qasym-Jomart Toqaev jarııa etken «О́zgerister joly: Ár azamatqa laıyqty ómir!» saılaýaldy baǵdarlamasy basymdyqtarynyń biri bolyp tabylady. «Barsha balaǵa – teń múmkindikter» qaǵıdatyn iske asyra otyryp, 2025 jylǵa deıin kolledjder men joǵary oqý oryndarynda, sondaı-aq mektepter men mektepke deıingi uıymdardyń
70%-ynda ınklıýzıvti bilim berýdi en­di­rý jóninde mindet qoıyldy, – dedi par­­tııa Tóraǵasynyń birinshi orynbasary.

Budan bólek, partııa ońaltý orta­­lyq­­tarynyń sanyn ulǵaıtýǵa jáne erekshe qajettilikteri bar bala­larǵa psıhologııalyq-pedago­gıkalyq jáne korreksııalyq qol­daý bo­­ıynsha memlekettik tapsyrysty engizýge qol jetkizbek. Asyraý­­shy­synan aıyrylǵan balalar bir mezgilde múgedektigi jáne asyraý­shy­­synan aıyrylýy bo­ıyn­sha 2 jár­demaqy alatyn bolady. Sony­men birge erekshe qajettilikteri bar ba­la­lar úshin kámelettik jasqa tolǵan­nan keıin turǵyn úıge kezeginiń úzilmeýi de qamtamasyz etiledi.

Jalpy, saılaýaldy mindet­te­meler aıasynda taıaýdaǵy 5 jylda erekshe qajettilikteri bar adamdar úshin taǵy da 22 myń áleýmettik ınfraqurylym nysanyn beıimdeý jalǵastyrylady. Jumysqa ornalastyrý boıynsha kvotany oryndamaǵan jumys berýshiler úshin ótemaqy tólemderi engizilip, ol erekshe qajettilikteri bar adamdarǵa jumys oryndaryn ashýǵa baǵyttalady.

Nur Otan maqsaty aıqyn, naqty ister partııasy retinde óz saılaýaldy ýádeleriniń barlyǵyn iske asyrýdy qamtamasyz etedi. Bul úshin partııa Lıderiniń tapsyrmasy bo­ıynsha búginde buǵan qajetti búkil partııalyq ınfraqurylym jańasha jolǵa qoıyldy: jaýapty depýtattar men basshylar naqty bekitile otyryp, 217 jol kartasy iske asyrylyp jatyr, 12 myńnan astam belsendi azamattyń qatysýymen 1,7 myńnan astam Qoǵamdyq keńesterdiń óńirlik júıesi quryldy jáne t.b. Taıaý ýaqytta saılaýaldy baǵdarlama men azamattar amanattarynyń oryndalý sapasyn tekserý úshin jergilikti jerlerde tıisti kóshpeli kezdesýler ótkiziledi, – dep túıindedi B.Baıbek.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar