Sondaı-aq senator aýyl sharýashylyǵy salasyndaǵy qordalanǵan máselelerge nazar aýdardy. Odan bólek, depýtat aýyl turǵyndarymen kezdesti. Kezdesý barysynda birqatar másele kóterildi. Negizgi problemalardyń biri – taza aýyz sýǵa qol jetkizýdegi qıyndyqtar. Turǵyndardy tyńdaǵan Nurlan Qylyshbaev aýdan basshylyǵynyń nazaryn osy máseleni sheshý qajettigine aýdaryp, bul túıtkildi óz baqylaýynda ustaıtynyn jetkizdi.
* * *
Májilistiń vıse-spıkeri Pavel Kazansev pen osy palatanyń depýtaty Baýyrjan Sartbaev Nur Otan partııasy qalalyq fılıalynyń saılaýaldy baǵdarlamasynyń Jol kartasy aıasynda elordada salynǵan 1200 oryndyq mekteptiń daıyndyǵymen tanysty. Bul mektep óz jumysyn jańa oqý jylynan bastaıdy. 2020 jyldyń qańtar aıynda bastalǵan mektep qurylysy qazirgi ýaqytta 95%-ǵa daıyn. Mektep basshylyǵynyń aıtýynsha, tamyz aıynyń sońyna deıin barlyq pándik synyptar tolyq jabdyqtalady. Vıse-spıker óz sózinde balalarǵa ınklıýzıvti zań deńgeıinde qoldaý kórsetilgenin aıtyp, jalpy mektep qurylysy kezinde erekshe qajettilikteri bar balalar úshin jaǵdaıdy joba deńgeıinde eskerý qajettigine toqtaldy.
* * *
Májilis depýtattary Málik Qulshar men Snejanna Imasheva Batys Qazaqstan oblysynda aldymen turǵyndar men jastar arasyndaǵy jumyssyzdyq máselesine den qoıdy. Partııanyń saılaýaldy baǵdarlamasyn júzege asyrýǵa arnalǵan Jol kartasynyń oryndalýymen qatar, atalǵan máseleni sheshýde ózindik yqpaly bar keńse men úıge arnalǵan iri korpýstyq jıhazdy qurastyrýshy «Kvant» JShS fabrıkasynyń jumysymen jáne qyzmetkerlerdiń jaǵdaılarymen tanysty.
«Kvant» JShS jıhaz fabrıkasy shamamen quny
2 mlrd teńge bolatyn jańa seh ashyp, 22 myńdaı ónim túrin óndirip, jańa jumys oryndarynyń paıda bolýyna yqpal etýde. Kásiporyn 2015 jyly «Bıznestiń jol kartasy-2020» baǵdarlamasy aıasynda iske qosylǵan. Eksporttalatyn ónimderdiń negizgi bóligi Armenııaǵa, Qyrǵyzstanǵa jáne Reseıge jetkiziledi.
