Qurmetti Konsýl laýazymyna «WILO SE» kompanııasynyń Basqarma Tóraǵasy jáne prezıdenti, german ekonomıkasy Shyǵys komıtetiniń tóraǵasy Olıver Germes taǵaıyndaldy.
Jańa Qurmetti konsýlǵa konsýldyq patentti QR GFR-daǵy Elshisi Dáýren Káripov resmı túrde tabys etti. Dortmýnd qalasynda ótken saltanatta sóz sóılegen Elshi D.Káripov O.Germestiń jeke jáne kásibı qasıetteri men bedelin erekshe atap ótti.
Jańa qazaqstandyq Qurmetti konsýl «Wilo Group» kompanııasynyń Basqarma Tóraǵasy bolyp tabylady, ol Almaty oblysynda qýaty jylyna 2 000 birlik sorǵy shyǵaratyn zaýyttyń qurylysyna ınvestısııa salǵan. Qazaqstan naryǵynda keńinen taralǵan «Wilo» sorǵylary kommersııalyq jáne ákimshilik ǵımarattarda: mınıstrlikterde, «Báıterek» monýmentinde, Almaty qalasyndaǵy «Nurly-Taý» bıznes ortalyǵynda ornatyldy.
Sondaı-aq, O.Germes german ekonomıkasynyń Shyǵys komıtetin basqarady, ol Shyǵys Eýropa men Ortalyq Azııanyń 29 elinde german bıznesiniń múddesin bildirip, Qazaqstanmen saýda-ekonomıkalyq ózara is-qımyldy qoldaıdy. Qazirgi ýaqytta Soltústik Reın-Vestfalııa men Qazaqstandaǵy Almaty oblysy arasyndaǵy seriktestik týraly másele qarastyrylýda.
O.Germes myrzanyń tabysty jáne nátıjeli jumysyna senim bildire otyryp, D. Káripov Elshilik tarapynan jan-jaqty kómek kórsetýge ýáde berdi. Qazaqstannyń Qurmetti konsýly O.Germes óz sózinde Bıýronyń ashylýy QR men GFR arasyndaǵy yntymaqtastyqtyń joǵary dınamıkasynyń kórsetkishi bolyp tabylatynyn jáne elder arasyndaǵy saýda-ekonomıkalyq, mádenı-gýmanıtarlyq jáne óńirlik baılanystardy odan ári keńeıtýge jol ashatynyn atap ótti.
Is-sharaǵa Dortmýnd qalasynyń meri Tomas Vestfal, «WILO SE» kompanııasynyń basqarma músheleri, GFR-daǵy QR Elshiliginiń, jer mınıstrlikteriniń, merııa men Dortmýndtyń saýda-ónerkásip palatasynyń ókilderi qatysty.
