El jáne Elbasy • 26 Tamyz, 2021

Nazarbaev: Halyqtyń problemasyn bilýimiz kerek

615 ret kórsetildi

Kezdesýde «О́zgerister joly: Ár azamatqa laıyqty ómir!» saılaýaldy baǵdarlamasyn ári qaraı júzege asyrý máseleleri, sondaı-aq aýyl ákimderin alǵashqy tikeleı saılaý nátıjesi talqylandy, dep habarlaıdy Egemen.kz elbasy.kz saıtyna silteme jasap.

– Bıyl partııa birneshe mańyzdy naýqan ótkizdi: biz Parlament Májilisiniń saılaýyna qatysyp, jeńiske jettik, sondaı-aq tarıhymyzda alǵash ret aýyl ákimderiniń saılaýy ótti. Partııanyń ortalyq apparaty men fılıaldary jergilikti jerlerde aýqymdy jumys atqardy. Qarasha aıynda partııanyń Saıası keńesiniń keńeıtilgen otyrysyn ótkizý josparlanyp otyr. Onda ótken naýqandardyń qorytyndysy boıynsha kózge túsken partııa belsendileriniń eńbegin atap ótýimiz kerek, – dedi Elbasy.

«Nur Otan» partııasynyń Tóraǵasy halyqpen tyǵyz baılanysta jumys isteýdi jalǵastyrý kerektigin aıtyp, saılaýaldy ýádelerdiń júzege asýyn qadaǵalaýdyń mańyzdylyǵyna toqtaldy.

– Jurtshylyqpen jumysty jalǵastyrǵan jón. Olardyń máselelerin bilý, atqarýshy bılik organdaryna jetkizý jáne sheshimin tabýyn qadaǵalaý qajet. Partııa bedelin nyǵaıtýdy ári qaraı jalǵastyrý kerek, – dedi Nursultan Nazarbaev. 

B.Baıbek aýyl ákimderin saılaý nátıjelerin baıandady, sondaı-aq «Nur Otan» músheleri men elektorattyń bul proseske belsene atsalysqanyn atap ótti.

– Aýyl ákimderin tikeleı saılaýdyń qorytyndysy boıynsha bizdiń partııanyń ókilderi okrýgterdiń 86 paıyzynda jeńiske jetti. Partııa arqyly saılanǵandardyń 35 paıyzy jańadan kelgender. Jalpy ákimder korpýsy 50 paıyzǵa jańardy. Olardyń ortasha jasy – 46, áıelder – 11 paıyzdy, jastar – 14 paıyzdy qurady, – dedi «Nur Otan» partııasy Tóraǵasynyń birinshi orynbasary.

B.Baıbektiń málimeti boıynsha jyl basynan beri partııanyń qoǵamdyq qabyldaýlaryna 103 myńnan astam adam habarlasyp, 20 myń azamat qabyldandy. Sondaı-aq óńirlerde qoǵamdyq keńester arqyly túsken 4,5 myńnan astam ózekti áleýmettik másele partııanyń baqylaýyna alyndy.

Kezdesýde Nursultan Nazarbaevqa saılaýaldy ındıkatorlardyń oryndalý barysy týraly esep berildi. Sondaı-aq partııanyń jastardy jáne halyqtyń áleýmettik turǵydan az qamtylǵan toptaryn qoldaý sharalary, óńirlerde partııalyq baqylaýdy qamtamasyz etý qyzmeti týraly aqparat usynyldy.

Sońynda Elbasy partııanyń ortalyq apparaty men óńirlik fılıaldaryna Saıası keńestiń keńeıtilgen otyrysyn ótkizýge jan-jaqty daıyndyq júrgizýdi tapsyrdy.

Sońǵy jańalyqtar

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Shýchınskide bazar órtendi

Oqıǵa • Búgin, 09:27

Ań patshasy kóbeıdi

Ekologııa • Búgin, 07:42

Uqsas jańalyqtar