Jalpyulttyq aza tutý kúnine oraı keshe elimizdiń barlyq meshitinde Quran hatym duǵasy jasaldy. Bas múftı bastamasy negizinde júzege asqan ıgi iske elimizdiń barlyq óńirindegi qulshylyq ordalary biryńǵaı ún qosyp, jergilikti ýaqyt esebimen saǵat 10.00-de bir mezette Quran oqylyp, qazaǵa ushyraǵan marqumdardyń rýhyna baǵyshtaldy.
Elimizdiń bas meshiti – «Áziret Sultanda» ótken saýapty sharaǵa QMDB tóraǵasynyń orynbasary, naıb múftı Ershat qajy Ońǵar arnaıy qatysyp, Quran hatym duǵasyn jasady. Qasıetti Quran aıattarynan bolǵan saýapty marqumdardyń rýhyna baǵyshtap, jarylystan zardap shekken jambyldyq jerlesterimizge sabyr men shydam, jeńildik surap bata qaıyrdy.
Aıta keteıik, birneshe jannyń ómirin jalmap, aınalasyn otqa oraǵan qaıǵyly oqıǵa ornyna qazirgi ýaqytta elimizdegi barlyq ókildiktiń uıymdastyrýymen gýmanıtarlyq kómek jetkizilip jatyr.
