О́ner ıesi 17 jasynda dál osy qarashańyraqta fılarmonııa ánshisi retinde eńbek jolyn bastaǵan.
Bolat Syzdyqov Qaraǵandy qalasynyń týmasy. Kezinde ol respýblıkalyq «Gúlder» ansamblinde, sondaı-aq «Araı» tobynda óner kórsetken. Al ol qurǵan «Mıýzıkola» dýeti elimizdiń mýzyka keńistiginde óte tanymal boldy. Tipti mýzykant pen onyń juby Karına Abdýllınanyń atyn osy top shyǵardy dese de bolady.
Mýzykantqa arnalǵan eskertkish-taqtany sýretshi Vladımır Prosenko men músinshi Rınat Abenov jasaǵan.
Saltanatty is-sharaǵa qatysqan Qaraǵandy qalasynyń ákimi Ermaǵambet Bólekpaev bul oqıǵanyń kenshiler astanasynyń mádenı ómirindegi aıtýly oqıǵa bolǵanyn atap ótti. Memorıaldyq taqtanyń ashylýynda sóz sóılegen Erlan Dosmaǵambetov dosy týraly esteligimen bólisip, onyń ánderiniń adamdy ómirdegi maqsatyna jetýge únemi qulshyndyryp otyratynyn aıtty.
Qazaqstan Respýblıkasynyń eńbek sińirgen qaıratkeri Bolat Muratuly Syzdyqov júzdegen ánniń avtory. Olardyń arasynda kompozıtordyń týǵan qalasy Qaraǵandyǵa, kenshilerge arnaǵan tamasha týyndylary da bar.
QARAǴANDY
