Bul týraly LS basylymy málimdedi.
«2050 jylǵa deıingi uzaq merzimdi demografııalyq boljam» boıynsha, eger 2020 jyly ekonomıkalyq belsendi halyqtyń ortasha jasy 39,2 jas bolsa, 2030 jylǵa qaraı ol 40,9 jasqa deıin ósedi. 2050 jylǵa qaraı bul kórsetkish 39,9 jylǵa deıin sál tómendeıdi.
Sonymen qatar 2019 jyldyń kórsetkishteri boıynsha ekonomıkalyq belsendilik deńgeıin saqtaı otyryp, 2025 jylǵa qaraı 30 jasqa deıingi jumys kúshiniń sany 473 myń adamǵa nemese 2020 jylmen salystyrǵanda 19%-ǵa qysqarady.
2030 jylǵa qaraı jas mamandar sany 2020 jylǵy deńgeıdiń 90% quraıdy.
30-50 jas aralyǵyndaǵy jumys kúshiniń sany 2025 jylǵa qaraı 327 myń adamǵa ósedi (+7%), biraq 2030 jylǵa qaraı 2025 jylmen salystyrǵanda 79 myń adamǵa azaıady.
50 jastan asqan jumysshylar 2025 jylǵa qaraı 352 myńǵa, al 2030 jylǵa qaraı taǵy 150 myńǵa ósedi.
Sonymen qatar 2030 jylǵa qaraı ekonomıkalyq belsendi halyqtyń ortasha jasy barlyq óńirlerde ósedi. Onyń ishinde Shyǵys Qazaqstan, Túrkistan, Almaty oblystary men Almatyda joǵarǵy kórsetkishterdi baıqaýǵa bolady, al eń azy – Atyraý men Qyzylorda oblystarynda eken.
