Onlaın qabyldaý kestesi

Sonymen 1 qyrkúıekte azamattardy qabyldaýdy Qarjy naryǵyn retteý jáne damytý agenttigi tóraǵasynyń orynbasary Nurlan Ábdiramanov, 3 qyrkúıekte – Básekelestikti qorǵaý jáne damytý agenttigi tóraǵasynyń orynbasary Marat Omarov, 8 qyrkúıekte – «Atameken» ulttyq kásipkerler palatasynyń basqarma tóraǵasynyń orynbasary Shyńǵys Temir ótkizedi.

Azamattardy partııa alańynda 10 qyrkúıekte – Bilim jáne ǵylym mınıstri Ashat Aımaǵambetov, 15 qyrkúıekte – Aýyl sharýashylyǵy mınıstriniń mindetin atqarýshy Erbol Qarashókeev, 22 qyrkúıekte – Aqparat jáne qoǵamdyq damý mı­nıstriniń orynbasary Kemel­bek Oıshybaev, 24 qyrkúıekte – Indýstrııa jáne ınfraqury­lym­dyq damý mınıstri Beıbit Atam­qulov pen Eńbek jáne halyqty áleýmettik qorǵaý mınıstriniń birinshi orynbasary Aqmádı Sarba­sov, 29 qyrkúıekte – Ádilet mınıs­tri Marat Beketaev, 30 qyrkúıekte – Densaýlyq saqtaý mınıstri Alekseı Soı qabyldaıdy.

Qabyldaýǵa jazylý úshin:

1. Call-ortalyq: 8 800 080 4441 (Qazaqstan boıynsha qońyraý shalý tegin);
2. WhatsApp: 8 700 800 4441;
3. komek@nurotan.kz

Aıta ketý kerek, jyl basynan beri partııanyń qoǵamdyq qabyldaý bólmelerine 103 myń azamat ótinish bildirip, partııa múshesi bolyp tabylatyn memlekettik organdardyń basshylary 20 myńǵa jýyq qabyldaý ótkizdi.

Taldaý kórsetkendeı, ótinish­terdiń basym bóligi áleýmettik qam­syzdandyrý, turǵyn úı-kom­mý­naldyq sharýashylyq, turǵyn úımen qamtamasyz etý máselelerimen baılanysty. Búginde 103 myń óti­nishtiń 43%-y jedel sheshilip, 54%-y boıynsha konsýltatıvtik, quqyqtyq jáne basqa da kómek kórsetildi, qalǵan 3%-y oryndalý ústinde.

Sondaı-aq Respýblıkalyq qoǵamdyq qabyldaý bólmesi alań­ynda zańgerlermen, advokattarmen, medıatorlarmen jáne notarıýstarmen aqysyz konsýltatıvti onlaın kezdesýler uıymdastyryldy. Oǵan joǵaryda kórsetilgen baılanystar arqyly jazylýǵa bolady.