Jeke, qosalqy sharýalardyń mal sharýashylyǵyna qoljetimdi jaǵdaı jasalý kerek. Bul turǵysynda Prezıdent Úkimetke jańa Zań jasaqtaýdy tapsyrdy.
«Veterenarııa salasyn reformalaý kerek. Osy saladaǵy mamandardyń jalaqysyn kóterý máselesi kóterildi. Sýbsıdııalaýǵa 2 trıllıon qarjy bólingen. Sýbsıdııa shaǵyn jáne orta kásipkerlerge qoljetimdi bolý kerek», dedi Prezıdent.
Mal sharýashylyǵy salasyndaǵy máselelerdi sheshý Úkimet pen Báıterek holdıngine tapsyryldy.
Esterińizge sala ketsek, Memleket basshysy ótken jyly da Joldaýyn 1 qyrkúıekte jarııa etken edi. «Jańa jaǵdaıdaǵy Qazaqstan: Is-qımyl kezeńi» dep atalatyn Joldaý memlekettik basqarýdyń jańa modeli, jańa jaǵdaıdaǵy ekonomıkalyq damý, teńgerimdi aýmaqtyq damý, azamattardyń áleýmettik ál-aýqaty, qoljetimdi ári sapaly bilim, densaýlyq saqtaý júıesin damytý, ekologııa jáne bıoalýantúrlilikti qorǵaý, azamattardyń múddesin qorǵaý, sıfrlandyrý, azamattardy memleketti basqarý isine tartý, ulttyń jańa bolmysy baǵyttaryn qamtydy.
