«Bizdiń agrarlyq saıasatymyzda sabaqtastyq bolmaı otyr. Mınıstr aýyssa, salanyń saıasaty da ózgeredi. Mundaı jaǵdaıda sharýalarǵa adal jumysty josparlaý qıynǵa túsedi. Biryńǵaı negizgi baǵyt bolýy qajet. Soǵan sáıkes, sýbsıdııalaý tásilderin qaıta qarap, turaqtandyrý kerek», dedi Memleket basshysy.
«Kelesi máselesi, sońǵy 5 jyldyń ózinde sýbsıdııalaýǵa 2 trln teńgeden astam qarjy bólindi. О́kinishke qaraı, agroónerkásip keshenine qatysty qozǵalǵan qylmystyq isterdiń jartysynan astamy sýbsıdııany talan-tarajǵa salýǵa baılanysty bolyp otyr. Buǵan jol berýge bolmaıdy. Normatıvtik negizin nyǵaıtyp, tıimdi josparlaý jáne monıtorıng júrgizý júıesin engizý qajet. Sýbsıdııany rásimdeý tártibi túsinikti ári tolyǵymen ashyq bolýy tıis. Shaǵyn jáne orta sharýashylyqtar úshin sýbsıdııa tolyǵymen qoljetimdi bolýy kerek», dedi Prezıdent.
