«Pavlodar» áleýmettik-kásipkerlik korporasııasynyń burynǵy basshysy óńirdegi aýyl sharýashylyǵy, jer qatynastary, veterınarııa, qorshaǵan orta jáne sý resýrstary, jumyspen qamtý jáne áleýmettik baǵdarlamalar, sondaı-aq, týrızm jáne sport salalaryn basqarady.
Aımaq basshysynyń jańa orynbasary jergilikti sharýalardyń beıindik qarjy ınstıtýttarymen jáne ortalyq memlekettik organdarmen baılanysyn qamtamasyz etýi kerek.
Meıram Ýteshovtyń ekonomıka jáne agroónerkásiptik keshendi qoldaý salasyndaǵy tıisti tájirıbesin atap ótken oblys ákimi osy jáne basqa da baǵyttardaǵy naqty mindetter qataryn belgilep berdi. Naqty aıtqanda, Ábilqaıyr Sqaqov aýyl sharýashylyǵy salasy ókilderiniń sýbsıdııalar alý mehanızmin jetildirý jáne aýyl sharýashylyǵy ónimderin óńdeý úshin jaǵdaı jasaý qajettiligin atap ótti.
«Sharýalardyń kabınetterdi aralap, bireýlerdiń telefondaryn izdep júrýge ýaqyttary joq. Olardyń jumysy kókónis pen jemister ósirý, sútti-taýarly fermalar, kókónis qoımalaryn salý jáne taǵysyn taǵy. Negizinde, bul degenimiz jeke ınvestısııalar, olardyń óńir ekonomıkasyna quıylýy úshin biz barynsha jaǵdaı jasaýymyz kerek», dedi oblys ákimi.
Meıram Ýteshov 1978 jyly Qostanaı oblysynda dúnıege kelgen.
1999 jyly A. Baıtursynov atyndaǵy Qostanaı memlekettik ýnıversıtetin «ekonomıka jáne menedjment», al, 2005 jyly «Zańger» mamandyǵy boıynsha aıaqtaǵan.
Eńbek jolyn 2001 jyly Qostanaı oblysynyń ekonomıka jáne saýda departamentinde jetekshi maman retinde bastady. Osy óńirde ekonomıka jáne saýda departamentinde, shaǵyn bıznesti qoldaý basqarmasynda, kásipkerlik jáne ónerkásip departamentinde basshylyq laýazymdardy atqardy.
Tórt jyldan astam ýaqyt oblystyq kásipkerlik jáne ónerkásip basqarmasyna basshylyq etip, eki jyldan astam merzim Jitiqara aýdanynyń ákimi boldy. 2016-2020 jyldar aralyǵynda elordada, onyń ishinde «Agrarlyq-kredıttik korporasııa» AQ-da jumys istedi.
«Pavlodar» ÁKK-niń basshysy bolyp taǵaıyndalǵanǵa deıin nesıelik seriktestikterdi damytý departamentiniń dırektory boldy. Jınalys barysynda basqa da máseleler talqylandy. Jańa oqý jylynyń bastalýyn eskergen Ábilqaıyr Sqaqov bilim mekemelerinde epıdemıologııalyq rejımniń saqtalýyn baqylaıtyn monıtorıng toptar qurýdy tapsyrdy.
Sondaı-aq, aımaq basshysy balalardyń epıdemıologııalyq qaýipsizdigin qamtamasyz etý úshin mektep avtobýstarynyń marshrýttaryn uıymdastyrýdy tapsyrdy. Mundaı qoǵamdyq kólik pılottyq rejımde Pavlodar jáne Ekibastuz qalalarynda júretin bolady.
