Atap aıtqanda, depýtattyq mandattardy bólý kezinde áıelder men jastarǵa beriletin 30 paıyzdyq kvotany mindetti túrde ustaný týraly normany zań júzinde bekitý mindeti qoıyldy. Bul norma buryn tek partııalyq tizimge ǵana qatysty edi. Endi atalǵan kvota depýtattyq mandatty bólý kezinde de saqtalatyn bolady.
Sonymen birge Memleket basshysy partııalardyń saılaý tiziminde kvota beriletin azamattardyń sanatyn keńeıtýdi usyndy. Kvotaǵa múmkindigi shekteýli azamattardy da qosý qajettigin aıtty.
Sondaı-aq Prezıdent aýyldyq jerdegi azamattyq bastamalardy qoldaýdyń tıimdi tetikterin ázirleýdi, áıelderdiń qoǵamdaǵy ekonomıkalyq jáne saıası rólin barynsha qoldaýdy qamtamasyz etýdi tapsyrdy.
Adam quqyǵyn qorǵaý máselelerin de Prezıdent jeke basymdyq retinde bólek atap ótti. Memleket bul baǵyttaǵy jumysynda qylmystyq prosesti odan ári jetildirýge, polısııanyń servıstik modeliniń aýqymyn keńeıtýge, quqyq qorǵaýshylardyń quqyǵyn qorǵaýǵa, balalarǵa qarsy jynystyq qylmystardyń aldyn alýǵa jáne jolyn kesýge, sıntetıkalyq esirtkiniń taralýyna tosqaýyl qoıýǵa basa nazar aýdarýy kerek.
Prezıdent óziniń Joldaýynda aıtqan barlyq bastamany jáne strategııalyq mindetti júzege asyrý úshin memlekettik apparat pen qoǵam birlese jumylýy qajet ekenin atap ótti. Sondyqtan qoǵamdyq dıalog barlyq deńgeıde órbıtin bolady.
Erlan QARIN,
Qazaqstan Respýblıkasy Prezıdentiniń kómekshisi
