Qazaqstan – Ýkraına – 2:2

Osydan dál bes aı buryn Kıevte ótken eki qurama ara­syndaǵy birinshi oıynda jer­lesterimiz alǵashqy taımda óz qaqpasyna gol jiberip alǵa­nymen, ekinshi taımnyń 60-mı­nýtynda Serikjan Mujy­qovtyń soqqan golynyń arqa­synda tarazy basy teńesip, quramamyz alǵash ret Alek­sandr Zınchenko bastaǵan ji­git­termen teń oınaǵan edi.

Kúni keshe elordada ótken match ta dál sondaı ssenarıı­men bastaldy. Kezdesýdiń ne­bári ekinshi mınýtynda Ýk­raına quramasynyń jáne Por­týgalııanyń «Benfıka» klý­bynyń shabýylshysy Roman Iаremchýk Stas Pokatılov qor­ǵaǵan qaqpaǵa tamasha gol salyp, oıynnyń esebin ashty. Jerlestermiz jyldam gol ótkizip alǵan soń biraz abdyrap qaldy. Esesine qonaqtar qarqynyn kúsheıtip, oıynnyń 20-mınýtyna deıin bizdiń fýtbolshylarǵa dop bermeı, qaqpamyzdyń aldynda birneshe qaýipti shabýyl uıym­dastyrýmen boldy. Biraq qor­ǵaýshylarymyz ben Stas Pokatılov Ýkraına shabýylshylaryna ekinshi gol soǵatyn múmkindik bergen joq.

Birinshi taımnyń orta tusy­na kelgende alań ıeleri qarsy shabýylǵa ıek artyp, Andreı Pıatovty mazalaı bas­tady. 23-mınýtta Rýs­lan Valıýllınniń sol qaptal­dan asyrǵan pasyn kapıtan Azat Nurǵalıev tıimdi paıda­lana almady. Keıinnen Islam­bek Qýat, Vladıslav Vasılev, Marat Bystrov alys­tan soq­qy jasap, gol soǵýǵa tyrys­qanymen, dop qaqpadan qıys ketip jatty. Sóıtip birinshi taım Ýkraınanyń sál ǵana basymdyǵymen aıaqtaldy.

Ekinshi taımdy Talǵat Baısýfınov shákirtteri tamasha bastady. 60-mınýtta bas bapker Azat Nurǵalıevtiń ornyna Baqtıer Zaınýtdınovty jáne ulttyq qurama sapynda birinshi oıynyn ótkizgen shabýylshy Artýr Shýshenachevtiń ornyna Abat Aıymbetovti shyǵarǵan soń, quramanyń oıy­ny odan ári túrlenip shyǵa keldi. Arada 8 mınýt ótken soń Abat Aıymbetov gol soǵyp tarazy basyn teńestirgen edi. Biraq lıtvalyq tóreshi gol oıynnan tys jaǵdaıda soǵylǵanyn kórsetti.

Degenmen kezdesýdiń 74-mı­nýtynda jerlesterimiz bári­bir óz degenderine jetti. Ashat Taǵybergennen pas al­ǵan Rýslan Valıýllın Pıa­tovty qapy qaldyryp, esep­ti teńestirdi. Tarazy basy teńes­ken soń qonaqtar alǵa qaraı umtylýdyń ornyna qorǵanysqa kóbirek kóńil bólýge májbúr boldy. Match aıaqtalar tusta Abat Aıymbetovtiń gol soǵyp, jeńisti julyp alatyn zor múmkindigi bolyp edi. Alaıda Andreı Pıatov dopty qaıtaryp úlgerdi. Sóıtip qonaqtar fýtboldaǵy «sen soqpasań, saǵan soǵamyz» degen qaǵıdany ustanyp, tóreshi qosqan qosymsha mınýtta gol soǵyp, esepte alǵa shyǵyp aldy. Gol avtory – 20 jastaǵy Danıla Sıkan. Gol ótkizip alǵannan keıin jerlesterimiz bosańsymaı, sońǵy mınýtqa deıin alǵa umtylyp, qarsy­lastarǵa ońaılyqpen úsh upaıdy berip qoımaıtynyn ań­ǵartty. Tóreshi qosqan soń­ǵy besinshi mınýtta Rýslan Va­lıýllın dýbldiń avtory atanyp, Qazaqstan quramasyna bir upaı men teń oıyn syılady – 2:2.

Endi jerlesterimiz kelesi kezdesýlerin 4 qyrkúıek kúni syrt alańda Fınlıandııa qura­masymen, al 7 qyrkúıek kúni Bos­nııa jáne Gersegovına qu­ra­ma­symen ótkizedi.