Bıyl jyldaǵydaı emes, qar mol túsip, úskirik aıaz ben qarly boran qarbalas týdyrýda. Aptalap jaýǵan qardyń arty aq tútek boranǵa ulasyp, aýdan ortalyqtarymen jáne aýyldarmen qatynas qıyndady. Oblystyq tótenshe jaǵdaılar departamenti baspasóz qyzmetiniń habarlaýynsha, sońǵy kúnderi aımaqta aýa raıynyń buzylýyna baılanysty departamenttiń jedel kezekshi bólimi uıaly baılanys operatorlary arqyly halyqqa aýa raıynyń buzylýy, tasjoldardyń jabylýy týraly habarlamalar jiberýdi úrdiske aınaldyrǵan. Jyl basynan beri aımaqta oblystyq, respýblıkalyq mańyzy bar tas joldardy jabýǵa qatysty 12 jaǵdaı tirkelgen. Oblystyq tótenshe jaǵdaılar departamentiniń bólimsheleri arqyly aımaqta jyl basynan beri on ret izdestirý-qutqarý jumystary júrgizilipti. Nátıjesinde, 900-den astam adam qutqarylǵan. Onyń ishinde 10 bala jáne eki júkti áıel bar. Budan basqa 500 tehnıka qar qursaýynan shyǵaryldy. Bul jumystarǵa 45 adam men 23 arnaıy tehnıka jumyldyrylypty.
Bıyl jyldaǵydaı emes, qar mol túsip, úskirik aıaz ben qarly boran qarbalas týdyrýda. Aptalap jaýǵan qardyń arty aq tútek boranǵa ulasyp, aýdan ortalyqtarymen jáne aýyldarmen qatynas qıyndady. Oblystyq tótenshe jaǵdaılar departamenti baspasóz qyzmetiniń habarlaýynsha, sońǵy kúnderi aımaqta aýa raıynyń buzylýyna baılanysty departamenttiń jedel kezekshi bólimi uıaly baılanys operatorlary arqyly halyqqa aýa raıynyń buzylýy, tasjoldardyń jabylýy týraly habarlamalar jiberýdi úrdiske aınaldyrǵan. Jyl basynan beri aımaqta oblystyq, respýblıkalyq mańyzy bar tas joldardy jabýǵa qatysty 12 jaǵdaı tirkelgen. Oblystyq tótenshe jaǵdaılar departamentiniń bólimsheleri arqyly aımaqta jyl basynan beri on ret izdestirý-qutqarý jumystary júrgizilipti. Nátıjesinde, 900-den astam adam qutqarylǵan. Onyń ishinde 10 bala jáne eki júkti áıel bar. Budan basqa 500 tehnıka qar qursaýynan shyǵaryldy. Bul jumystarǵa 45 adam men 23 arnaıy tehnıka jumyldyrylypty.
Bıyl aımaqta aq tútek borannan adasyp, arty qaıǵymen aıaqtalǵan eki jaǵdaı tirkelipti. 17 qańtar kúni Alǵa aýdanynyń Qaraǵash aýyldyq okrýgine qarasty Nurbulaq aýylynan 1964 jyly týǵan azamattyń joǵalǵany týraly aqparat kelip túsken. Izdestirý sharalarynyń nátıjesinde osy aýyldan 4 shaqyrym qashyqtyqtaǵy beıittiń janynan joǵalǵan azamattyń máıiti tabylǵan. Al ekinshi jaǵdaıda 21 qańtar kúni 10 saǵat 45 mınýtta Áıteke bı aýdandyq №7 órt sóndirý bólimine 18 qańtar kúni Qarabutaq aýylynan «Naden» qystaǵyna qaraı eki adamnyń jaıaý shyǵyp, iz-túzsiz joǵalǵany týraly habar túsedi. Izdestirý-qutqarý jumystaryna oblystyq «Jedel qutqarý jasaǵy» memlekettik mekemesiniń jeke quramynan 3 adam men bir tehnıka jumyldyrylyp, izdestirý jumystary barysynda eki qoly men aıaǵyn úsik shalǵan 1974 jyly týǵan azamat Áıteke bı aýdandyq ortalyq aýrýhanasyna jetkizildi. Al Eńbektý eldi mekeni mańynan 1979 jyly týǵan azamattyń máıiti tabylǵan.
Qazirgi ýaqytta oblys aýmaǵynda qar jaýyp, boran turýyna baılanysty tótenshe jaǵdaılar departamenti qyzmetkerleri táýlik boıy tasjoldarda qutqarý jumystaryn jalǵastyrýda.
Satybaldy SÁÝIRBAI,
«Egemen Qazaqstan».
Aqtóbe oblysy.
