Aımaqtar • 03 Qyrkúıek, 2021

Qus fabrıkasynda taýyqtar qyrylyp jatyr

233 ret kórsetildi

Aqmola oblysyndaǵy qus fabrıkasynda taýyqtar jappaı qyrylýda. Qyzmetkerlerdiń aıtýynsha, qustar indetten emes, ashtyqtan qyrylyp jatqan kórinedi, dep habarlaıdy Egemen.kz KTK telearnasyna silteme jasap.

Fabrıkada kúnine úsh myńǵa jýyq taýyq óledi eken.

«Taýyqtar ashtyqtan qyrylyp jatyr. Bul qustarǵa kórsetiletin naǵyz qatigezdik», deıdi jumysshylar.

Jumysshylardyń ózderi de azyqsyz qalýdan qorqady. Mundaǵy jumysshylardyń ortasha jalaqysy 50 myńnan az, biraq olar bul aqshany eki aıdan beri qoldaryna almaǵan.

«Jalaqymyzdy bes jyldan beri ýaqytyly almaımyz. Aqshany únemi suraýymyz kerek. «Kúte turyńyz, fabrıkada jem jetkiliksiz» degen sózderi árdaıym estımiz. Bizge tipti zeınetaqy, medısınalyq saqtandyrý, eshteńe aýdarmaıdy», deıdi qus fabrıkasynyń qyzmetkerleri.

Iri qus fabrıkasy aımaqty jumyrtqa men etpen qamtamasyz etýdi áldeqashan toqtatqan, deıdi telearna jýrnalısi. Basshylyqtyń aıtýynsha, kúrdeli máseleler qysta bastaldy. Qus eti tym qymbattap, naryqqa básekelester keldi. Qazir kásiporyn bankrottyq aldynda tur.

«Bastapqyda maıly daqyl, kúnjara, kúnbaǵys maıy bolmaǵan. Prezıdent eksportqa tyıym salǵan kezde, atalǵandar bizde paıda boldy, biraq dál sol kezde olardyń baǵasy qymbattady, al bizde qarajat bolmady», dedi «Agro-Invest» JShS basqarýshy dırektory Asqar Aqylbekov.

Kásiporyn basshylary tiri qalǵan qustardy satylymǵa shyǵarýdy josparlap otyr. Al sol aqsha jumysshylar aldyndaǵy qaryzdy óteý úshin jumsalmaq. Zaýyttyń ózi úsh aıǵa jabylýǵa sheshim qabyldaǵan.

Sońǵy jańalyqtar

Suıytylǵan gaz baǵasy óspeıdi

Qoǵam • Búgin, 18:21

Aldaǵy kúnderi aýa raıy qandaı bolady

Aýa raıy • Búgin, 18:00

Uqsas jańalyqtar