Saıasat • 06 Qyrkúıek, 2021

Joldaýdyń iske asyrylýyna qoǵamdyq baqylaýdy qamtamasyz etedi

33 ret kórsetildi

Nur Otan partııasy Memleket basshysy Qasym-Jomart Toqaevtyń «Halyq birligi jáne júıeli reformalar – el órkendeýiniń berik negizi» atty Joldaýy men osy uıymnyń «О́zgerister joly: ár azamatqa laıyqty ómir!» atty saılaýaldy baǵdarlamasynyń iske asyrylýyna júıeli qoǵamdyq baqylaýdy qamtamasyz etedi. Bul týraly partııa Tóraǵasynyń birinshi orynbasary Baýyrjan Baıbek Facebook-tegi paraqshasynda jazdy.

Baýyrjan Baıbek óz postynda 3 negizgi máselege nazar aýdardy. Onyń aıtýynsha, birinshiden, Memleket bas­shysynyń el Táýelsizdiginiń 30 jyl­dyǵy tusynda jasaǵan bul Joldaýy basymdyqtardy aıqyndap, memleket pen qoǵamnyń ári qaraı damý baǵytyn belgilep qana qoımaı, sonymen birge osy jyldar aralyǵynda júrip ótken jolymyzdy da qorytyndylaıdy.

«Qasym-Jomart Kemeluly Jol­daýynyń basynda aıtqandaı, «Qazaqstan Tuńǵysh Prezıdentimiz – Elbasynyń dara saıasatynyń arqasynda tabysty el retinde búkil álemge tanymal boldy. Eń basty jetistigimiz – birtutas el bolyp, jańa memleket qurdyq. Irge­mizdi bekitip, eńsemizdi tiktedik. Halyq­aralyq qaýymdastyqtyń beldi múshesine aınaldyq. Turaqty qoǵam qalyptastyryp, ornyqty damý jolyna tústik», dep jazdy Nur Otan partııasy Tóraǵasynyń birinshi orynbasary.

Baýyrjan Baıbek atap kórsetkendeı, Qazaqstan – búginde irgesi berik, tuǵyry myǵym memleket. Muny ishki saıası turaqtylyǵy, beıbit syrtqy saıasaty jáne jalpy ornyqty ekonomıkasy qamtamasyz etip otyr. Kezinde oppozısııanyń «qarajatty taratyp berý kerek» degenine qaramastan, Elbasy Nursultan Nazarbaev qurǵan Ulttyq qor búginde bizdiń ekonomıkalyq silkinisterdi eńserip qana qoımaı, eldiń ári qaraı damýy boıynsha jańa bastamalar usynýymyzǵa da múmkindik berýde.

«Ekinshiden, Joldaý búkil álem­di jaılap, elimizdi ábigerge salǵan koro­na­daǵdarys ýaqytynda, azamattardyń áleýmettik-ekonomıkalyq ahýaly nashar­laǵan jáne narazylyq kóńil kúı artqan kúrdeli jaǵdaıda jasalyp otyr. Osyn­daı kezeńde biz, ókinishke qaraı, geo­saıası týrbýlenttiliktiń, álemdik der­javalardyń sanksııalyq teketires­teriniń kúsheıe túskenin baıqap otyr­myz. Aýǵanstannan myńdaǵan bos­qyndar óz úılerin tastap ketip jatqanyn kórip otyrmyz, bul, árıne, Ortalyq Azııa óńirindegi jáne jalpy bizdiń elimizdegi ahýalǵa da áser etpeı qoımaıdy», dedi ol.

Onyń pikirinshe, mundaı kúrdeli jaǵ­daıda Memleket basshysynyń Jol­daýy basymdyqtardy aıqyn belgilep, qazirgi syn-qaterlerge naqty jaýap berip otyr.

«El Prezıdenti Qazaqstan úshin ult­tyq birlikti odan ári nyǵaıtý, azamat­tyq qoǵamdy damytý men ekonomı­kanyń sapaly ósýi úshin jańa yntalan­dyrý tetikterin qurýdyń basty basym­dyq­tary bolyp tabylatynyn atap kórsetti. Bul qazirgi qıyndyqtardy tabysty eńserýge múmkindik berip qana qoımaı, pandemııadan keıingi kezeńde el damýyn qamtamasyz etýge de jaǵdaı týdyrdy», dedi B.Baıbek.

Úshinshiden, B.Baıbek Memleket bas­­­shy­synyń saıası jańǵyrtýǵa, aza­mat­­­tyq qoǵamdy damytýǵa, jańa áleý­­­mettik standarttardy endirýge, otan­­­dyq bıznesti qoldaýǵa, sybaılas jem­qorlyqqa qarsy is-qımylǵa, son­daı-aq memlekettik apparattyń tıim­diligin arttyrýǵa baǵyttalǵan baǵ­darynyń júıeli ári tabandy iske asyrylyp jatqanyn atap kórsetti. 

«Jyl saıynǵy Joldaýlar men el Prezıdenti Qasym-Jomart Toqaevtyń Nur Otan partııasynyń HH sezinde jarııa etken «О́zgerister joly: Ár aza­matqa laıyqty ómir!» saılaýaldy baǵdarlamasynyń iske asyrylý barysy densaýlyq saqtaý júıesiniń sapasy, bilimniń qoljetimdiligi, sıfrlan­dyrý, óńirlerdi damytý sekildi mańyzdy máse­lelerdiń qashanda basty nazarda ekenin kórsetedi», dep atap ótti ol.

Onyń aıtýynsha, partııanyń qo­ǵam­dyq qabyldaý bólmelerine azamattardan kelip túsken 100 myńnan astam ótinishke jasalǵan taldaý, sondaı-aq Nur Otan depýtattarynyń halyqpen kóptegen kezdesýdiń qorytyndysy búginde eń ózekti 3 máselege baǵalardyń ósýi, kommýnaldyq tarıfterdiń kóte­rilýi jáne baspanamen qamtamasyz etý jatatynyn kórsetip otyr. Osyǵan baılanys­ty Memleket basshysynyń pandemııa jaǵdaıynda halyq taby-
syn arttyrýǵa jáne tutynýshylyq suranysty yntalandyrýǵa baǵyttalǵan 5 bastamasy der ýaqytta usynylyp otyr, dep sanaıdy Baýyrjan Baıbek.

Eń tómengi jalaqy mólsherin 60 myń teńgege deıin ulǵaıtý, bıznesti qyz­met­kerleriniń jalaqylaryn kóterýge yntalandyrý sharalaryn iske asyrý, shaǵyn jáne orta bıznes úshin salyqtyq aýyrtpalyqty 34-ten 25%-ǵa deıin tómendete otyryp, eńbekaqy qorynan biryńǵaı tólem endirý, azamattyq qyzmetkerler sanatyndaǵylardyń basym bóliginiń jalaqylaryn jyl sa­ıyn 20%-ǵa kóterý, sondaı-aq turǵyn úı nesıelerin alý sharttaryn ári qaraı ońtaılandyrý elimizdiń búkil derlik azamattaryn qamtıtyn sharalar bolmaq. Sarapshylardyń baǵalaýy boıynsha, eń tómengi jalaqy mólsheriniń ulǵaıýynyń ózi ǵana ekonomıkanyń 1,5%-ǵa ósýine ákeledi.

Nur Otan Joldaý men «О́zgerister joly: Ár azamatqa laıyqty ómir!» atty saılaýaldy baǵdarlamanyń iske asyrylýyna júıeli qoǵamdyq baqylaýdy qamtamasyz etetin bolady. Jyl basynan beri respýblıkalyq deńgeıde saılaýaldy ýádelerdiń 11%-y jáne óńirlik deńgeıde 12%-y oryndaldy. Naq­ty sıfrlarmen kórsetsek, bul – 7,7 mln sharshy metr turǵyn úı, 12,2 myń orynǵa arnalǵan 34 mektep pen 4,5 oryn­ǵa arnalǵan 68 balabaqsha, 160 myń­nan astam jumys orny bar 77 jańa kásip­oryn. Jyl sońyna deıin taǵy da 200 ár­túr­li áleýmettik nysan, onyń ishin­de ja­ńa mektepter, aýrýhanalar jáne t.b. paıdalanýǵa beriledi», dedi B.Baıbek.

Postta aıtylǵandaı, kólik jáne ınjenerlik ınfraqurylymdy aýqymdy túrde damytý jeke blok boıynsha iske asyrylýda.

«Dostar! Memleket basshysy atap ót­ken­deı, «Biz tuǵyry myǵym el bolý jo­lynda kedergilerdi eńserip, qıyn­dyq­tardy jeńip kelemiz. Munyń bá­ri­ne berekeli birlik pen eseli eńbek ar­qy­ly jettik. Elimiz táýelsizdik jyl­na­ma­synyń tórtinshi onjyldyǵyna qa­dam basqaly tur. Bul kezeńniń ońaı bol­­maıtyny qazirdiń ózinde aıqyn baı­qalýda. Sondyqtan kez kelgen syn-qa­ter­ge daıyn bolýǵa tıispiz. Tynymsyz izde­nip, udaıy alǵa umtylýymyz qa­jet». Nur Otan adamdar ıgiligi jolyn­da jumys istep jatqan maqsaty aıqyn, naqty ister partııasy retinde el basshylyǵy qoıǵan mindetter men qazaqstandyqtar aldyndaǵy óz saılaýaldy ýádeleriniń barlyǵynyń iske asyrylýyn qamtamasyz etedi. Biz birgemiz! Qıyndyqty eńserip, jeńiske birge jetemiz!» dep túıindedi ol.

Sońǵy jańalyqtar

Álemdegi eń úlken muzdyq erip ketti

Ekologııa • Búgin, 11:05

15169 adam koronavırýs juqtyrdy

Koronavırýs • Keshe

Uqsas jańalyqtar