Saıasat • 06 Qyrkúıek, 2021

Til mártebesi – el mártebesi

82 ret kórsetildi

Osy jyldyń 3 qyrkúıeginde Qazaqstan halqynyń Tilder kúnine arnalǵan «Til mártebesi – el mártebesi» atty onlaın-dóńgelek ústeli ótti. Oǵan Qazaqstan halqy Assambleıasy Tóraǵasynyń orynbasary – Hatshylyq meńgerýshisi M.Ázilhanov, Parlament Májilisiniń depýtaty N.Dementeva, QHA músheleri, etnomádenı birlestikterdiń basshylary men músheleri, etnomádenı birlestikterdiń jastary, ǵylymı jáne shyǵarmashylyq qaýym, QHA «Jańǵyrý joly» RJQ jáne BAQ ókilderi qatysty.

Is-sharanyń maqsaty – til mádenıeti men jalpyadamzattyq rýhanı qundylyqtar qaǵıdattaryna negizdelgen qoǵamdyq kelisim men jalpyulttyq birlikti, qazaqstandyq biregeılikti, toleranttylyq pen ózara túsinistikti nyǵaıtý jáne damytý.

QHA Tóraǵasynyń orynbasary Marat Ázilhanov óziniń sózinde Prezıdenttiń jańa Joldaýynyń mańyzdylyǵy týraly aıtyp, Memleket basshysynyń til saıasatyna basymdyq bergenin nazarǵa aldy. Sondaı-aq ol táýelsizdiktiń alǵashqy jyldarynan bastap respýblıkada búkil Qazaqstan halqynyń múddelerin eskeretin, eldiń barlyq etnostarynyń tildik quqyqtarynyń saqtalýyn qamtamasyz etetin úılesimdi til saıasaty júrgizilip kele jatqanyn atap ótti.

Dóńgelek ústel barysynda qatysýshylar qazirgi tańda ártúrli etnostyń kóptegen jasy qazaq tilinde sóıleıdi degen pikirlerin bildirdi. Onlaın-konferensııa barysynda res­pýblıkalyq etnomádenı birlestikter men QHA óńirlik qurylymdarynyń ókilderi memlekettik til saıasatyn júzege asyrý tájirıbesimen bólisip, Qazaqstandaǵy tilderdi damytýdyń ózekti máselelerin talqylady.

QHA qoǵamdyq qurylymdarynyń qyzmeti jaǵdaıynda til saıasatyn odan ári damytýdyń negizgi baǵyttary boıynsha qyzyqty pikir almasý boldy.

Osy kúni Qazaqstan halqy Assam­bleıa­synyń bastamasymen jáne Aqparat jáne qoǵamdyq damý mınıstrliginiń qoldaýymen Nur-Sultan qalasynyń Dostyq úıinde, sondaı-aq barlyq oblystyq, qalalyq jáne aýdandyq kitaphanalarda, joǵary oqý oryndarynda, kolledjder men mektepterde bir mezgilde (sınhrondy) qazaq tilinde QHA-nyń Jalpyqazaqstandyq ashyq dıktanty ótkizildi.

QHA-nyń Jalpyqazaqstandyq ashyq dıktantynyń maqsaty – memlekettik tildiń qoldanylý aıasyn keńeıtý, qazaqstandyq biregeılikti qalyptastyrý, qazaq tilin úırený arqyly qoǵamdyq kelisim men halyq birligin nyǵaıtý.

Memleket basshysy óziniń 2021 jylǵy 1 qyrkúıektegi Joldaýynda óz bolashaǵyn elimizben baılanystyratyn árbir azamat memlekettik tildi úırenýge bar kúsh-jigerin salýy tıis ekenin atap ótti.

Qazaqstan halqy Assambleıasynyń Jalpyqazaqstandyq ashyq dıktantynyń qorytyndysy osy jyldyń qarasha aıynda «Uly dalanyń ultaralyq tili» respýblıkalyq forýmynda jarııalanady.

 

Sońǵy jańalyqtar

«Omıkron» «Toıotany» qyspaqqa aldy

Tehnologııa • Búgin, 14:00

Bir kúnde 3907 adam koronavırýstan aıyqty

Koronavırýs • Búgin, 09:45

15169 adam koronavırýs juqtyrdy

Koronavırýs • Búgin, 09:17

Uqsas jańalyqtar