Prezıdent • 07 Qyrkúıek, 2021

Investısııalyq tartymdy aımaq

46 ret kórsetildi

Memleket basshysynyń Qazaqstan halqyna arnaǵan «Halyq birligi men júıeli reformalar – el órkendeýiniń berik negizi» atty Joldaýynda aıtylǵan mindetterdiń sheshimi Qaraǵandy oblysy ákimdiginde ótken aktıv jıynynda talqylandy.

Jıyn barysynda belgili bolǵandaı, taıaý kúnderi Jol­daý­daǵy mindetterdi oryndaý boıynsha arnaıy jospar qabyl­danady. Bul qujatta óńir turǵyndarynyń ómir súrý sapasyn jaqsartý boıynsha naqty sharalar qarastyrylatyn bolady.

Qazirgi tańda ekonomıkany ártaraptandyrý asa mańyz­dy mindetterdiń biri bolyp tur. Bul Qaraǵandy sııaqty ındýst­rııalyq oblysta aıryqsha qajet qadam. Mysaly, Qaraǵandy qalasyn logıstıkalyq ortalyq retinde damytý qolǵa alynsa, monoqalalardy zamanaýı óndiris oryndaryn iske qosý strategııasy arqyly órkendetý josparlanǵan.

Jalpy, Qaraǵandy oblysy boıynsha 2025 jylǵa qaraı tórtinshi ındýstrııalyq revolıýsııa aıasynda 10-ǵa jýyq kásiporyndy jańǵyrtý jáne jańartý, sonymen birge birqatar ınnovasııalyq jobalardy iske qosý josparda bar. Osy oraıda Temirtaý, Jezqazǵan, Bal­qash jáne Saran qalalaryn­­­da damýdyń basym baǵyt­­­taryn qurý múmkindigi sóz bol­dy. Aýyl sharýashylyǵy salasyn­da da atqarylýy tıis zor mindet­ter kútip tur. Atap aıtqanda, jaıylymdyq jerlerdi sýlandyrý jáne tozǵan jerlerdi qalpyna keltirý jumystaryn kúsheıtý kún tártibinen túspegen másele.

Áleýmettik sala boıynsha da sheshimin kútken birtalaı máse­le bar. 2025 jylǵa qaraı 299 aýyl­­dyq mektepti jańar­tý jos­par­lanǵan. Bilim berý­diń qol­jetimdiligin arttyrý baǵytyn­da oblysta 10 jańa nysan­nyń qury­lysy júrgizilýde. Onyń ishinde aýyldyq jerde salynyp jatqan 3 mektep bar. Mek­tepterdegi bilim sapasyn jaq­sartý maqsatynda «Oqýǵa qush­tar mektep» jobasy júzege asy­ryl­maq. Kolledjderde maman­dardy daıarlaý eńbek nary­ǵy­nyń talaptaryn eskere otyryp uıymdastyrylady. Tek bıylǵy oqý jylynyń ózinde 10 jańa mamandyq ashyldy.

Sondaı-aq aktıv jıynynda oblystyń qalalary men aýyldaryn sýmen qamtamasyz etý kórsetkishin 2025 jylǵa qaraı qazirgi 96,3%-dan 100%-ǵa deıin arttyrý josparlanǵany aıtyldy. Bıyldyń ózinde sýmen jabdyqtaý jáne káriz jeli­leriniń qurylysy boıynsha 35 joba júzege asýy tıis. Al 2021 jyldyń sońyna deıin qamtý 97%-ǵa deıin artady dep kútilýde.

Jıynda tóraǵalyq etken oblys ákimi Jeńis Qasymbek «Bir­yńǵaı geologııalyq qyz­met qurý» bastamasynyń mańyzdy­lyǵyna mán berdi.

«Investorlarǵa keshendi ser­­vıstik qoldaý kórsetetin geo­lo­­gııa­lyq qyzmet jańa ınvestı­sııa­­lar tartýǵa jáne óńirdiń taý-ken óndirý men óńdeý sek­to­ry­­nyń odan ári damýyn qam­ta­ma­syz etýge múmkindik beretin jer qoı­­naýy týraly sıfrly de­rek­­ter bankin qurýǵa yqpal etedi», dep atap ótti óńir basshysy.

Munyń ózi qoınaýynda Men­­deleev kestesindegi ele­ment­­­terdiń túgelge derligi bar ob­lys­­tyń ınvestısııalyq tar­­tym­dy aımaq bolyp qala berýi­­ne ıgi yqpal etetini aktıv jıy­nyn­da basa aıtyldy.

 

Qaraǵandy oblysy

 

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar