«Baǵany turaqtandyrý úshin, eń aldymen, Turaqtandyrý qorlarynyń jumys prınsıpin qaıta qaraý qajet. Maýsymaralyq kezeńde - qańtardan mamyrǵa deıin Turaqtandyrý qorlarynda qala halqynyń qajettiliginiń 30% qamtıtyn kólemde kartop, sábiz, qyryqqabat jáne pııazdyń 5 aılyq qoryn jáne qaraqumyq pen kúnbaǵys maıyn búkil halyqtyń qajettiligi boıynsha qalyptastyrý usynylady», dedi ol.
Esep boıynsha respýblıkada kartop pen kókónis satyp alý kólemi 229 myń tonnany, sondaı-aq qaraqumyq jarmasy 17,6 myń tonnany jáne kúnbaǵys maıy 28,5 myń tonnany quraıtynyn aıtty.
«Daıyn ónimdi alý úshin Azyq-túlik korporasııasy josparlanǵan Turaqtandyrý qorlarynyń 10% mólsherinde kúnbaǵys pen qaraqumyqtyń qosymsha kólemin, sondaı-aq shamamen 4 myń tonna kóleminde qant alýdy uıymdastyrady. Bul rette Azyq-túlik korporasııasymen 9 150 tonna kúnbaǵys (3 660 tonna maı) jáne 691 tonna qaraqumyqty (415 tonna qaraqumyq jarmasy) forvardtyq satyp alý sheńberinde kelisimshart jasaldy. Qaraqumyq, kúnbaǵys, qanttyń qalǵan kólemi naryqta tikeleı satyp alý boıynsha satyp alynady», dedi birinshi vıse-mınıstr.
