Sýdyń laılanǵanyn baıqaǵan turǵyndar vıdeoǵa túsirip áleýmettik jelige jarııalap jatyr. О́zin Boran aýylynyń turǵynymyn dep tanystyrǵan vıdeo avtory ózen ótken jeksenbiden bastap laılana bastaǵanyn aıtady.
Al kesheli beri túsi ózgerip, erekshe qoıýlanyp ketken. Al Qaljyrdy jaǵalaı qonystanǵan 10 shaqty eldi meken osy ózennen egini men malyn sýaryp otyr. Halyqtyń aıtýynsha, qazir sýdyń laılanǵany sonshalyq mal ishpeı qalǵan. Birneshe quzyrly organnan qurylǵan komıssııa ózennen synama alyp arnaıy zerthanaǵa tekserýge jiberilgenin habarlady. Kúrshim aýdany turǵyndary ózendi osy óńirdegi altyn shaıatyn kompanııalar bylǵap jatyr degen boljam aıtady.
