Foto: pixabay.com
«Moı gorod» saıtynyń jazýynsha, oqıǵa 2 qyrkúıek kúni keshki toǵyzdar shamasynda Atyraý oblysy Qurmanǵazy aýylynyń ortalyq saıabaǵynda bolǵan.
Balanyń týystary 11 jastaǵy Amanjol Sultannyń kósheni jaryqtandyrý baǵanyn ustap qalyp, elektr togyna túskenin aıtady. Jábirlenýshi birden aýdandyq ortalyq aýrýhananyń jansaqtaý bólimine jetkizildi. Emdeý mekemesiniń hırýrgi Nurǵısa Sholpanov bastapqyda balanyń jaǵdaıy óte aýyr dep baǵalanǵanyn aıtady.
«Bala úsh kún reanımasııada boldy. Tynys alý jáne júrek jetispeýshiligi boldy. Reanımatologtar ýaqytyly bilikti kómek kórsetti. Qazir onyń jaǵdaıy ortasha aýyr dep baǵalanyp, tıisti em qabyldap jatyr. Elektr togynan keıin júrek-tamyr júıesi birinshi kezekte zardap shegedi. Búgin ol ekinshi EKG prosedýrasynan ótedi. Nátıjesin oblystyń mamandary zertteıdi, bastapqy kórsetkishtermen salystyrady. Emdeý kýrsy 10 kún, bala jalpy palatada jatyr», deıdi Sholpanov.
Ortalyq Jeńis saıabaǵy qazir jóndeý jumystary júrip jatqany úshin jabyq. Ol 2021 jyly aýyl ákimdiginiń balansyna berilgen.
Balanyń ata-anasy polısııaǵa aryz jazbaǵan.
