Qoǵam • 07 Qyrkúıek, 2021

Kólik polıseıleri poezd jolaýshysyn ákimshilik jaýapkershilikke tartty

95 ret kórsetildi

Aǵymdaǵy jyldyń segiz aıynda QR IIM Kóliktegi polısııa departamentinde poezdyń toqtatý kranyn julyp alýdyń 27 faktisi tirkeldi. Bul týraly Departament bastyǵy Ońal Bekeev aıtty, dep jazady Egemen.kz.

«Máselen, aǵymdaǵy jyldyń 5 qyrkúıeginde Jambyl oblysynyń «Býrylbaıtal-Qarasaı» aralyǵynda toqtatý kranyn qoldanýyna baılanysty «Nur-Sultan-Nurly-Jol – Almaty-2» baǵytyndaǵy jolaýshylar poezdy toqtaǵan. Poezdyń josparlanbaǵan turaǵy 4 mınýtty qurady.

Tekserý barysynda kólik polıseıleri zańǵa qaıshy áreket jasaǵan jolaýshyny anyqtady. Ol Túrkistan oblysynyń 42 jastaǵy turǵyny bolyp shyqty. Tártip saqshylary joǵaryda atalǵan azamattyń spırttik ishimdik iship, mas kúıinde toqtatý kranyn julyp alǵanyn anyqtady», dedi O.Bekeev.

Medısınalyq kýálandyrýdyń qorytyndysyna sáıkes, onyń «ortasha dárejedegi» alkogoldik masań kúıde bolǵany anyqtaldy.

Departament bastyǵynyń aıtýynsha, toqtatý krany tek erekshe jaǵdaılarda ǵana qoldanylady. Atap aıtqanda vagonda jolaýshylardyń ómirine nemese qozǵalys qaýipsizdigine qaýip tóndiretin aqaý shyqqan kezde, poıyz kópirde nemese kópirdiń astynda jáne jolaýshylardy evakýasııalaýǵa jol bermeıtin basqa da jerlerde turyp qalǵan jaǵdaıdy eseptemegende, órt shyqqan jaǵdaıda ǵana paıdalanýǵa ruqsat etiledi.

«Kólik saqshylary quqyq buzýshyny poıyzdan túsirip, QR ÁQBtK-niń 440-babynyń 1-bóligi, ıaǵnı alkogoldik ishimdik ishý nemese qoǵamdyq oryndarǵa masań kúıde kelý jáne 560-babynyń 1-bóligi, ıaǵnı qajetsiz rette poezdy zańsyz toqtatý boıynsha ákimshilik hattamalar toltyrdy», dep túıindedi sózin O.Bekeev.

«Aǵymdaǵy jyl basynan beri ártúrli ákimshilik quqyq buzýshylyq jasaǵany úshin kólik polıseıleri - 30 667 quqyq buzýshyny, onyń ishinde alkogoldi ishimdikterdi ishkeni nemese qoǵamdyq oryndarǵa mas kúıinde kelgeni úshin 3 186 azamatty ákimshilik jaýapkershilikke tartty. Sondaı-aq, toqtatý kranyn julyp alýdyń 27 jaǵdaıy tirkeldi», dep tolyqtyrdy sózin polısııa general-maıor.

Sońǵy jańalyqtar

Dollar qymbattady

Qarjy • Búgin, 10:59

Elordada áýe shary qulady

Oqıǵa • Búgin, 10:37

Qarjy mınıstriniń orynbasary taǵaıyndaldy

Taǵaıyndaý • Búgin, 10:24

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Uqsas jańalyqtar