Elorda • 07 Qyrkúıek, 2021

Nur-Sultanda aǵash otyrǵyzý ekoaksııasy bastaldy

97 ret kórsetildi

Elordanyń Prezıdent saıabaǵynda ekologııalyq aksııaǵa qatysýshylar – qoǵamdyq uıymdardyń ókilderi, eriktiler, elordalyq jastar jáne qalalyq máslıhat depýtattary 200-den astam aǵash otyrǵyzdy, dep habarlaıdy Egemen.kz.

«Ár demalys saıyn elorda turǵyndaryn jasyl jelek otyrǵyzýǵa shaqyramyz. Jalpy alǵanda, biz qala ishinde 200 myń, al elordanyń aınalasyndaǵy jasyl beldeý aýmaǵyna 800 myń aǵash otyrǵyzamyz. Qalany kógaldandyrý ekologııalyq jaǵdaıdy jaqsartýda mańyzdy ról atqarady. Olar klımatqa áser etedi, shýdy azaıtady, shańdy ózine sińiredi, bıoártúrlilikti qoldaıdy», dedi Nur-Sultan qalasy ákiminiń orynbasary Nurlan Soltambekov.

Ákim orynbasarynyń aıtýynsha, jyl sońyna deıin qala aýmaǵyn abattandyrý aıasynda taǵy 22 qoǵamdyq keńistik ashylady. Atap aıtqanda, Prezıdent saıabaǵynda sport jáne balalar alańy, ıt serýendetetin oryn ashý josparlanyp otyr.

«Búgingi aksııa aıasynda 113 ga aýmaqqa sozylǵan saıabaqqa qaraǵaı, terek, emen jáne qaıyń kóshetteri otyrǵyzyldy – barlyǵy 200-den astam aǵash. Jaqyn arada 1000-ǵa jýyq aǵash otyrǵyzý josparlanǵan», dep jazady Nur-Sultan ákimdiginiń resmı saıty.

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar