Oıyn baǵdarlamasyna 40-tan astam eldiń áskerı qyzmetshileri qatysty. Jarys bir mezgilde 23 polıgonda jáne úsh teńizdiń sý aılaǵynda ótti. Qazaqstandyq áskerı qyzmetshiler onyń ishinde on bir konkýrsqa qatysty, olardyń ekeýi elimizde ótti.
«Mátibulaq» polıgonynda ótken «Suńqar ańshylyǵy» konkýrsy boıynsha, ıaǵnı áýe barlaýyn júrgizý, berilgen nysandardy izdeý, ushqyshsyz ushý apparattaryna qyzmet kórsetý jáne olardy ushýǵa daıyndaý, oq atýdan sheberlikterin kórsetý saıysynda Qazaqstan 1-oryn aldy. Sol polıgonda «Artıllerııadan oq atý sheberleri» saıysynda mınaatqysh eseptoptary baq synasty. Konkýrstyń úsh kezeńinde áskerı qyzmetshiler jyldamdyq pen mergendik kórsetetin jaýyngerlik tapsyrmalardy oryndady. Olar jeke jarysta, túngi sprınt jáne fınaldyq estafetada jeńis úshin kúresti. Nátıjesinde, Qazaqstan komandasy jeńimpaz atandy.
Rıazanda «Desant vzvody» konkýrsy ótip, qatysýshylar vzvod quramynda desant túsirdi, marsh jasady, jaýyngerlik kólikterde jarysty jáne qoıan-qoltyq urys júrgizdi. Bul konkýrsta 2-oryndy Qazaqstan men Qytaı áskerı qyzmetshileri ózara bólisti. «Taktıkalyq mergen» konkýrsynda áskerı qyzmetshiler ǵımarattaǵy, batpaqty jerdegi jáne ormandaǵy urysty túrli jaǵdaıda kórneki kórsetip, tapsyrmalardy oryndady, sondaı-aq jaýyngerlik quramda ekeýden jáne tórteýden toptasyp jarysty. Bul saıysta úzdik úshtikti Qazaqstan túıindedi.
Tyvada ótken «Attar marafonyna» qazaqstandyq taý-egerlik polktiń áskerı qyzmetshileri qatysty. Qazaqstandyq áskerı shabandozdar barlyq kezeńderdi abyroımen eńserip, 3-oryndy qazaqstandyq komanda ıelendi. Armenııanyń Dılıjan qalasynda «Beıbitshilik jaýyngeri» konkýrsy bolyp, jarys qorytyndysy boıynsha Qazaqstan 3-oryn aldy. Máskeý mańyndaǵy Patrıot saıabaǵynda «Ásker mádenıeti» konkýrsy boldy. Oǵan bizdiń elimizdiń atynan Ulttyq áskerı-patrıottyq ortalyqtyń shyǵarmashylyq ujymy jáne Qarýly Kúshterdiń áskerı-tarıhı mýzeıiniń qyzmetkerleri bardy. Jıyrma eldiń komandasy qatysqan jarysta 3-oryndy Qazaqstan men Belarýs elderi ózara bólisti. Áskerı polıseıler Serbııada ótken «Tártip saqshysy» konkýrsy barysynda kásibı sheberlik tanytty. Oǵan Iran, Qazaqstan, Qatar, Kıpr, Reseı jáne Serbııa komandalary qatysty. Jarystar jeke jáne komandalyq kezeńderdi qamtydy. Sońǵy jáne asa kúrdeli synaq «Batyrlar jarysy» boldy. Qatysýshylar uzyndyǵy on eki shaqyrymdyq kúdergi kedergilerdi eńserýi tıis boldy. Konkýrsta elimizge 3-oryn buıyrdy.
«Elbrýs sheńberine» Qazaqstannyń taýdaǵy daıyndyq ortalyǵynyń áskerı alpınısteri qatysty. Jarys Kabarda-Balqardaǵy «Terskol» polıgonynda ótti. Birneshe arnaıy tapsyrmalardy quraǵan konkýrs barysynda qatysýshylar jeke jáne baılamdar arqyly taýǵa órmelep jarysty, jasandy taý bederine shabýyl jasady, taýly jerlerde baǵdarlaýdy pysyqtady, tasadan oq jaýdyrdy, taýdaǵy ózen arqyly ótti jáne Elbrýs shyńyna shyqty. Oǵan Abhazııa, Armenııa, Úndistan, Qazaqstan, Qytaı, Pákistan, О́zbekstan, Reseı jáne Ońtústik Osetııanyń áskerı alpınısteri qatysty. Konkýrs qorytyndysynda Qazaqstan 3-orynǵa jaıǵasty. Iranda ótken sýústi kemeleri ekıpajdarynyń «Teńiz kýbogy» jarysynda qazaqstandyq áskerı teńizshiler Ázerbaıjan, Iran jáne Reseıdiń ókilderimen jarysyp, bul joly da 3-oryndy Qazaqstan men Ázerbaıjan ózara bólisti.
Tanymal «Tank bıatlony» konkýrsy eń úzdik tank ekıpajdaryn anyqtady. Jarystar myqty básekelestikte ótti. Tankishiler atys shepteri men kedergileri bar kúrdeli joldan ótti. Birinshi kezeńnen bastap qazaqstandyq áskerı qyzmetshiler on toǵyz eldiń qatysýshylary arasynda úzdik úshtikte boldy. Fınaldyq estafetanyń qorytyndysy boıynsha qazaqstandyq tankıster 3-orynǵa ıe boldy.
Bıyl sanıtarlyq-epıdemııalyq jaǵdaıǵa baılanysty Qazaqstannyń Qarýly Kúshteri 11 baıqaýǵa ǵana qatysýmen shekteldi.
