ATOM ENERGETIKASY MEMLEKETTIŃ BAQYLAÝY ARQYLY JÚZEGE ASYRYLADY

Májilistiń  Ekologııa máse­leleri jáne tabıǵatty paıdalaný komıtetiniń uıymdastyrýymen “Atom energetıkasyn paıdalaný týraly” zań jobasynyń tanysty­rylymy  komıtet tóraǵasy Erlan Nyǵmatýlınniń jetekshiliginde ótti, dep habarlady osy palatanyń baspasóz qyzmeti. Zań jobasymen depýtattardy Indýstrııa jáne jańa tehnolo­gııalar mınıstriniń orynbasary Dúısenbaı Turǵanov tanystyrdy. “Atom energetıkasyn paıdalaný týraly” zań jobasy Úkimettiń 2009 jylǵy 18 aqpandaǵy №184 qaýlysymen bekitilgen. Ol atom ener­gııasyn beıbit maqsatta paıdalaný salasyndaǵy qoǵamdyq qatynastardy retteýdiń quqyqtyq negizin belgileıdi  jáne adamdar­dyń densaýlyǵy men ómirin qor­ǵaýǵa ári ıadrolyq jáne radıasııa­lyq qaýipsizdikti qamtamasyz etýge baǵyttalǵan. Zań jobasyn qabyldaýdyń negizgi maqsattary – atom energııasyn beıbit maqsatta paıdalaný kezinde jáne atom energetıkasynyń damýy jaǵdaılarynda halyqtyń jáne qorshaǵan ortanyń qaýipsizdigi men densaýlyǵynyń tıimdi qor­ǵalýynyń laıyqty qamtamasyz etý; ıadrolyq qyzmettiń qaýipsiz­digi jónindegi halyqaralyq talap­tarmen úılestirý. Vıse-mınıs­trdiń málimdeýinshe, atom energe­tıkasy memlekettik baqylaý arqyly júzege asyrylady. Atom stansalaryn salý da memlekettiń qadaǵalaýynda  bolady. Zań jobasy boıynsha jumys tobynyń jetekshisi depýtat Vale­rıı Kotovıch, al onyń quramynda Áleýmettik-mádenı damý komıte­tinen Qylyshbaı Bısenov, Ekonomıkalyq reforma jáne óńirlik damý komıtetinen Erjan Rahmetov, Agrarlyq máseleler komıtetinen Erkin Ramazanov, Zańnama jáne sot-quqyqtyq re­for­ma komıtetinen Serik Temir­bolatov, Halyqaralyq ister, qorǵanys jáne qaýipsizdik komıte­tinen Úsengeldi Medeýov, Qarjy jáne bıýdjet komıtetinen Qurman­ǵalı Ýálı sııaqty depýtattar bar.