2021 jylǵy 14 qyrkúıekte Baıqońyr ǵarysh aılaǵynyń «Vostok» ushyrý kesheninen «Soıýz-2.1b» zymyran-tasyǵyshy ushyrylady. Ol OneWeb eýropalyq tómen orbıtalyq spýtnıkteriniń kezekti partııasyn orbıtaǵa shyǵarýǵa tıis. One Web spýtnıkteriniń aldyńǵy toptamasy Baıqońyrdan 2021 jyldyń 22 tamyzynda sátti ushyryldy.
Roskosmos baspasóz qyzmetiniń málimetinshe, 2021 jylǵy 7 qyrkúıekte bas aǵytqyshtyń astyndaǵy «Fregat» údetkish blogyna ornatylǵan 34 ǵarysh apparattarynyń jıyntyǵy № 31 alańǵa tasymaldandy, onda ǵaryshtyq bas bóligi zymyrannyń úshinshi satysymen túıisetin bolady.
Baıqońyr ǵarysh aılaǵynyń 254-shi alańynyń vakýýmdyq kamerasynda 2021 jylǵy 5 qazanda Halyqaralyq ǵarysh stansııasyna (HǴS) 66-shy negizgi ekspedısııaǵa qatysýshylardy jetkizýge arnalǵan «Soıýz MS-19» kóliktik basqarylatyn kemesiniń pnevmovakýýmdyq synaqtary júrgizilýde.
Sondaı-aq, Baıqońyr ǵarysh aılaǵynyń № 254 alańynyń montajdaý-synaý korpýsynda «Progress MS-18» kóliktik júk kemesin synaýdyń qorytyndy kezeńi bastaldy, ony halyqaralyq ǵarysh stansııasyn jabdyqtaýdyń 79-shy mıssııasynyń baǵdarlamasy boıynsha ushyrý 2021 jylǵy qazan aıynyń sońyna josparlanǵan.
