«Sıfrlyq damý, ınnovasııalar jáne aeroǵarysh ónerkásibi mınıstrligi men «NIT» AQ birlesip ESQ alýdy jeńildetý boıynsha jumys istep jatyr. Aldaǵy bir aıda bul jumys aıaqtalady dep oılaımyn. Bul – tehnıkalyq turǵydan alǵanda óte aýqymdy jumys. Qazirgi ESQ alý júıesi qoldanylmaıdy. Ony alý aıtarlyqtaı jeńildeıdi. ESQ-ny qaıta alý qajeti joǵalady», dedi Ádil Qojyqov.
Ol turǵyndardy ózderiniń jeke málimetterin dáneker tulǵalarǵa tapsyrmaýdy surady.
«Kadrlyq júıe boıynsha da jumysty jetildirip jatyrmyz. Bizde qyzmet etkisi keletin barlyq qyzmetker Memlekettik qyzmet isteri jónindegi agenttikten testileýden ótedi. Biz kvazımemlekettik sektor ókili bolsaq ta, memlekettiń aınasy men front-keńsesi bolyp eseptelemiz. Bizge júgingen turǵyndar memlekettiń ókili retinde qarastyrady», dedi ol.
