Erlan Bákirov 1984 jyly týylǵan. Qazaq gýmanıtarlyq zań ýnıversıteti men Bolashaq ýnıversıtetin zańger, ekonomıst mamandyǵy boıynsha bitirgen.
Eńbek jolyn 2004-2005 jyldary «Raım» JShS-de zańger bolyp bastaǵan. 2005-2006 jyldar aralyǵynda Qyzylorda oblysynyń tabıǵı monopolııalardyń qyzmetin retteý jáne básekelestikti qorǵaý departamentiniń jetekshi mamany.
2006-2016 jyldary Qyzylorda oblysy ákimi apparatynyń memlekettik-quqyqtyq jumystar bóliminiń jetekshi mamany, bas ınspektory, kadr jumysy bóliminiń basshysy.
2016-2020 jyldary Qyzylorda oblysynyń jumyldyrý daıyndyǵy basqarmasy basshysynyń orynbasary, 2020 jylǵy maýsym aıynan bastap osy kezge deıin Jalaǵash aýdany ákiminiń orynbasary qyzmetin atqardy.
