Áýejaıda sıfrlyq jeke kýálikti paıdalaný úshin eGov mobile qosymshasynda avtorlandyrylǵan paıdalanýshy «Sıfrlyq qujattar» bólimine kirip, tizimnen jeke kýálikti tańdaý qajet. Áýejaıdyń tirkeý bóliminde, sondaı-aq ushý aldyndaǵy tekserýden ótý kezinde servıste jasalǵan QR-kody bar smartfonnyń ekranyn kórsetý qajet.
Ishki reısterde sıfrlyq jeke kýálikti paıdalaný múmkindigi QR Indýstrııa jáne ınfraqurylymdyq damý mınıstrligi, QR Sıfrlyq damý, ınnovasııalar jáne aeroǵarysh ónerkásibi mınıstrligi, «Qazaqstannyń avıasııalyq ákimshiligi» AQ, otandyq áýe kompanııalary men áýejaılarynyń jáne «Ulttyq aqparattyq tehnologııalar»AQ-nyń júıelerdi ıntegrasııalaý boıynsha birlesken kúsh-jigeriniń nátıjesinde paıda boldy.
Sıfrlyq qujattar qyzmeti pılottyq rejımde jumys isteıdi jáne ázirge Nur-Sultan, Almaty, Aqtóbe jáne Shymkent qalalary arasynda qoljetimdi. Osy áýejaılar qyzmetin paıdalanýdy josparlap otyrǵan jolaýshylardyń pılottyq joba kezinde jeke kýáliginiń túpnusqasyn da ózimen birge alyp júrgeni jón bolady.
