Bastamalar baıandy bolsyn

«Bular – mádenıet qyzmet­kerleri, muraǵatshylar, kitap­ha­na­shylar, tehnıkalyq qyzmet­kerler, qoryqshylar, kólik júrgizýshiler jáne basqalar. Sondyqtan 2022 jyldan 2025 jylǵa deıin memleket osy sa­nat­­taǵy azamattyq qyzmet­ker­lerdiń jalaqysyn jyl saıyn orta eseppen 20 paıyzǵa ósiretin bolady. Tutastaı alǵanda, taǵy 600 myń otandasymyz bul basta­manyń ıgiligin kóredi», dedi Memleket basshysy.

Shyndyǵynda, Prezıdent usyn­ǵan bastamalar baıandy bolýy úshin mádenıet salasyna degen kózqarasty túbegeıli óz­ger­tetin kez jetti. О́ıtkeni eldiń ór­kendeýiniń bir kórinisi rýha­nııa­tynyń, onyń ishinde má­de­nıet sa­lasynyń damýynan baıqa­la­dy. Ras, elimizde má­denıet úı­leri boı kóterip jatyr. О́ner ujym­­darynyń konsert­teri, sah­na­lyq qoıylym­dary ótip ja­tyr. Mamandar da daıar­lana­dy. De­gen­­men mate­rıal­dyq-tehnı­ka­lyq bazasyn jańartý, kadrmen qam­týda eske­retin birneshe jaıt bar.

Birinshiden, qazir aýyl-selo­lardaǵy mádenıet oshaǵy jer­gi­lik­ti ákimdik arqyly qar­jy­lan­dy­­rylady. Alaıda jer­gilik­ti bıýd­jettiń shamasy bul salany jan-jaqty damytýǵa jete bermeıdi.

Ekinshiden, osy salaǵa maman daıarlaıtyn kolledjder men joǵary oqý orny salalyq mı­nıstr­likke baǵynyshty emes. Al bul arnaýly orta, ne joǵa­ry bilim alǵan mamandardyń ju­mys­qa ornalasýyna eshkim múd­de­lik tanytpaýyna ákelip soǵa­dy. Qazir osy salada bilim alǵan ma­mandar jumys taba almaı júr. Nege? О́ıtkeni salada máde­nıetke qatysy joq mamandar jumys isteıdi.

Úshinshiden, mádenıet salasynda, ásirese, arhıv pen mýzeı­de, kitaphana men tarıhı qo­ryq­tarda jumys isteıtin­derdiń eń­begi laıyqty eskerilip júr deı al­maımyz. Sol sebepten, osy sa­lanyń mamandary mem­­leket­tik marapattarǵa usy­ny­lyp, Qazaq­stannyń eńbek sińirgen qaıratkeri, Qazaq­stan­nyń Eńbek Eri atanyp jatsa, árıne, quba-qup bolar edi.

Prezıdent Joldaýynan ke­ıin eli­mizdiń mádenıet salasyn da­mytýdyń keshendi jos­pa­ry, kon­sepsııasy túzilgeni jón. Onda joǵaryda aıtylǵan jaıt­­tar eskerilip, salalyq mı­nıstr­­­likke berilgeni durys. О́ıt­keni eli­mizdi jahandaný apanynan qut­qaratyn, qazaqty ult retin­de saqtaıtyn dińgektiń biri – ult­tyq mádenıet. Sondyqtan jahan­dyq órkendeýdiń ozyq tehno­­lo­gııasyn ekonomıkanyń bar­­lyq salasyna engizýmen birge, órke­nıet kóshindegi jetek­shi elder sapynan oryn alý úshin táýel­siz Qazaqstannyń máde­nıeti de búgingi dáýir talabymen damy­ǵanyn qalaımyz. 

Qoıshyǵul JYLQYShIEV,

Qazaqstannyń eńbek sińirgen qaıratkeri

Atyraý oblysy