Qatysýshylar Joldaýdy talqylap, Prezıdent belgilegen josparlar men negizgi mindetterdi iske asyrý boıynsha pikir almasty.
«Otandastar» qorynyń vıse-prezıdenti Maǵaýııa Sarbasov Joldaýdyń osy tustaryna nazar aýdardy: shetelde jumys isteıtin azamattarymyzdyń quqyqtaryn qorǵaý mehanızmderin kórsete otyryp, kóshi-qon saıasatynyń tujyrymdamasyn ázirleý, eldiń ońtústiginen soltústigine qonys aýdaratyn azamattarǵa járdemaqy bólý.
Sonymen qatar M.Sarbasov Qazaqstanǵa kóshýdi josparlap otyrǵan sheteldegi otandastar men qandastardy qoldaýǵa baǵyttalǵan jobalar týraly aıtyp berdi. Ol «Otandastar» qorynyń shetelde turatyn qandastarǵa Joldaýdyń negizgi ıdeıalaryn túsindirýdegi mańyzdy rólin atap ótti.
