Foto: instagram / thisisbillgates
Kelisimshart quny 70 mıllıon dollarǵa deıin jetýi múmkin. Aqsha ornyna qor Exscientia-nyń úlesin alady, dep habarlaıdy Lenta.ru.
Sonymen qatar, «alynǵan qarajattyń bir bóligi COVID-19 emdeýge jáne bolashaqta pandemııanyń aldyn alýǵa arnalǵan jańa antıvırýstyq tabletkalar jasaýǵa jumsalady dep boljanyp otyr. Bul Geıtstiń fırmaǵa ekinshi aqshalaı salymy», dep jazady CNBC.
Kompanııa koronavırýsty, ásirese COVID-19, sondaı-aq tumaý men janýarlardan adamǵa juǵyp, tynys joldarynyń aýrýyn týdyratyn Nipah vırýsyn emdeýmen aınalysady. Startap jasandy ıntellekt koronavırýsqa qarsy dári-dármek shyǵarý ýaqytyn 20 paıyzǵa qysqartatynyn málimdedi.
«Aǵymdaǵy COVID-19 pandemııasy bizdiń vırýs pen olardyń shtammdaryna qarsy arsenalymyzdy keńeıtý úshin qaýipsiz jáne tıimdi keń spektrli preparat ázirleýdiń ózektiligin kórsetedi», dep túıindedi Exscientia bas dırektory Endrıý Hopkıns.
Exscientia buǵan deıin japondyq Sumitomo Dainippon Pharma dári-dármek óndirýshisimen birlesip, psıhıkalyq aýrýlardy emdeýge arnalǵan eki dári shyǵardy.
