Atyraý oblysynyń bas memlekettik sanıtarııalyq dárigeriniń orynbasary Gúlnaz Erbatyrovanyń málimetinshe, 1-5 qyrkúıek aralyǵynda mektep jasyndaǵy 1 oqýshynyń koronavırýs ınfeksııasyna shaldyqqany rastalǵan. «Jazǵy kanıkýl kezinde mektep jasyndaǵy 88 bala qaýipti vırýsqa shaldyqqan. Olardyń bári úıinde ata-anasymen baılanysta bolǵan.
Al, 1 qyrkúıekten keıin karantındik oqshaýlaý jaǵdaıyndaǵy ata-anasymen jaqyn qarym-qatynasta bolǵan bir oqýshynyń koronavırýs ınfeksııasyn juqtyrǵany anyqtaldy. Biraq, bul oqýshy mektepke barmaǵany, synyptastarymen baılanys jasamaǵany belgili boldy», deıdi Gúlnaz Erbatyrova.
