Zańsyz aınalymǵa túsetin sýrrogat alkogol ónimderiniń negizgi bóligi jasyryn sehtarda, kóbinese antısanıtarııa jaǵdaıynda ázirlenedi. 2021 jyldyń basynan beri agenttiktiń Almatydaǵy aýmaqtyq departamenti spırt jáne alkogol ónimderiniń zańsyz aınalymy salasynda 16 qylmysty anyqtap, sýrrogat alkogol ónimin daıyndaıtyn 8 astyrtyn seh qyzmetiniń jolyn kesken.
Zańsyz aınalymnan barlyǵy 91 myń dana jalǵan aksız tańbaly - «Jack Daniel’s», «Jameson», «Kazahstan», «Vozdýh», «Zerno», «Býlbash», «Hortısa» «Sarskaıa», «Fınlıandııa» jáne t. b. alkogol óniminiń tanymal markalarynyń 110 myńnan astam bótelkesi tárkilendi.
«Qarjylyq monıtorıng agenttiginiń Almaty qalasy boıynsha aýmaqtyq departamenti jalǵan esepke alý-baqylaý tańbasy bar spırt ishimdikterin daıyndap, keıin Almaty qalasynyń saýda oryndarynda satqany úshin 23 jastaǵy Almaty qalasynyń turǵyny B.Kamaldy qylmystyq jaýapkershilikke tartty», delingen habarlamada.
