Joldaýda pandemııadan keıingi kezeńdegi damýdyń ulttyq josparyna, ulttyq jobalardy bekitýge, ekonomıkaǵa tikeleı ınvestısııa tartý sekildi ekonomıkalyq damý men jappaı sportpen aınalysýǵa, sporttyq ınfraqurylymdy jaqsartýǵa, densaýlyq saqtaý júıesiniń sapasyn arttyrýǵa basymdyq berildi.
Sondaı-aq sapaly bilim berýge qatysty pedagogıkalyq mamandyqtarǵa túsetin tulǵalardyń ortasha kórsetkishi joǵarylady. Muǵalimderdi qoldaý saıasaty odan ári júzege asyrylyp, oqý baǵdarlamalarynyń zamanaýı bolmysqa beıimdelýin qamtamasyz etý kerek. Ulttyq telekommýnıkasııalyq jeliniń jetkiliksizdigi de atap kórsetildi. Áleýmettik jaǵynan álsiz otbasynan shyqqan balalardy qoldaýdy kúsheıtý men bilimniń qoljetimdi jáne ınklıýzıvti bolý kerektigi, «Sıfrly muǵalim» jobasyn engizip, biliktilikti arttyrý júıesin jaqsartý jaıy aıtyldy.
Memleket basshysy Qasym-Jomart Toqaevtyń halyqqa Joldaýy otandyq bilim berý men ǵylymdy damytýdyń jańa kezeńiniń mıssııasy men strategııasyn da aıqyndap berdi. Máselen, ǵylymǵa bólinetin granttardy júzege asyrýdyń merzimin úsh jyldan bes jylǵa uzartý ǵylymı nátıjeler men jetistikterdiń sapasyn arttyratyny sózsiz.
Pedagogıkalyq qyzmetkerlerdiń kásibı biliktilikterin kóterý merzimi naqtylandy jáne olardyń motıvasııasynyń joǵary bolý qajettiligine mán berilip, pedagogıkalyq qyzmetkerlerdi yntalandyrý joldary belgilendi.
Oqý baǵdarlamalarynyń qazirgi bolmys shyndyǵyna beıimdelýin qamtamasyz etý bilim mazmunynyń tájirıbege baǵdarlanýyna tikeleı qatysty. Prezıdent aıtqandaı, bilim berý tájirıbesi men maman daıarlaý úderisiniń ózara kirigý tetikterin jetildirý kerek.
Tegin tehnıkalyq-kásiptik bilim berýge jáne qashyqtan oqytý formatyna qoljetimdilikti qamtamasyz etý tetikterin ázirleýdiń de mańyzy zor.
Márzııa ASYLBEKOVA,
L.N.Gýmılev atyndaǵy EUÝ dosenti
