Prezıdent • 13 Qyrkúıek, 2021

Asqaraly mindet júkteıdi

116 ret kórsetildi

Prezıdenttiń halyqqa Joldaýy – qashanda jyldyń basty qujaty. Sol sebepti uly Muhtar Áýezovtiń sózimen aıtqanda, ár tyńdaǵan saıyn «jyl kelgendeı jańalyq sezinemiz». Álemge aranyn ashqan aty jaman tájdi tajaldyń adamzat ataýlynyń eńsesin basyp, baılaýly arǵymaqtaı arynyn qaıtaryp tastaǵany ras.

Kúndelikti basylym betinen: «Kúresip jatyrmyz», degen aqparatty oqyǵan saıyn, kóńil toǵaıtqandaı bolǵanymen, ashy ishekteı shubatylǵan aýyr kúnder qashan aıaqtalar eken dep alańdaısyń.

Joldaýdyń alǵashqy bóliginiń «Pande­mııadan keıingi kezeńdegi ekonomıkalyq damý» dep atalǵanyn kórip, oryn alǵan qıyndyqtardyń sebebi týraly tereń taldaýlar men odan shyǵýdyń naqty joldary týraly oqyǵanyńda, boıyńa senim uıalap, kádimgideı serpilip qalasyń.

Oıǵa alǵannyń qapysyz oryndalaryna esh kúmán joq.

Qııan-keski urystyń ortasynda eldi damytý jónin­degi jospardy qarap otyryp Cherchıll: «Mun­da nege mádenıet qarastyrylmaǵan? Eger má­de­nıet joq bolsa, onda ne úshin soǵy­syp ja­tyr­myz?!» dep tańǵalǵan eken. Sol aıt­­­­qan­­daı, pan­demııamen alysqanda, bolashaq úshin jan berip, jan alysyp jatqan joqpyz ba?

Endi, mine, arada apta ótpeı jatyp, Úkimet Memleket basshysy Joldaýynyń negizgi baǵyttary men bastamalary boıynsha mindetterdi sapaly ári jedel sheshýge baǵyttalǵan «Joldaýdy iske asyrý úshin Jalpyulttyq josparyn» ázirlep úlgerdi.

Prezıdenttiń qoldaýymen jaǵadan da alyp, etekten de tartyp, bas kótertpeı jatqan qıyndyqtardyń arasynan kóktemgi qyzǵaldaqtaı, kenen tarıhymyzdy túgendep, urpaq tárbıesinde mańyzdy ról atqaratyn bizdiń Ortalyqtyń qurylýy – ata-baba amanatyna sheksiz adaldyq pen keleshekke arnalǵan kemel qadamnyń jarqyn úlgisi edi.

«Mádenıet» degen jalǵyz aýyz sózdiń kúni búgin alty júzge jýyq anyqtamasy bar. Bul – onyń adam ómirimen bite qaınasyp jatqandy­ǵynyń belgisi. Osy sala qyzmetkerleriniń, kitaphanashylar men muraǵatshylardyń eńbek­aqysyn kóterý máselesi kókeıge qonady.

Memleket basshysy Qasym-Jomart Toqaevtyń: «Halqymyz úshin zııaly qaýymnyń orny qashanda erekshe. Ult taǵdyry synǵa tús­ken sátte kózi ashyq azamattar árdaıym kósh bas­taǵan. Adasqanǵa jón siltep, jastar­ǵa baǵyt-baǵdar bergen. El aǵalary biraýyz sózben tentegin tyıyp, tektisin tórge ozdyr­ǵan» degen sózi qýat berip qana qoımaıdy, asqaraly mindet júkteıdi.

Táýelsizdigimizdiń 30 jyldyǵy qarsańynda aıtylǵan Joldaý bult astynan shyqqan kún sekildi janymyzdy jadyratyp tastady. Shyn máninde, «egemendik degenimiz – jalań uran men jalyndy sóz emes», endigi jerde qaınaǵan is kútip tur.

 

 Álibek ASQAR,

«Geraldıkalyq zertteýler ortalyǵy» respýblıkalyq memlekettik mekemesiniń dırektory

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Uqsas jańalyqtar