Aımaqtar • 14 Qyrkúıek, 2021

Shymkentte sapaly joldar úlesi artyp keledi

65 ret kórsetildi

Shymkent qalasynda ınfraqurylymdy damytýǵa arnalǵan jumystar qarqyndy túrde júrgizilýde. Bul jumystardyń negizgi maqsaty qala ekonomıkasyna qyzmet etetin sapaly joldar úlesin arttyrý, dep jazady Egemen.kz Shymkent qalasy ákimdiginiń baspasóz qyzmetine silteme jasap.

Osy maqsatta bıyl úshinshi megapolıste jol-qurylys jumystarymen 311 shaqyrymnan astam jol qamtyldy. Iаǵnı, qalada osy jyly 182 nysanda qurylys-jóndeý jumystary bastaldy. 

Jyl sońyna deıin atalǵan joldardyń 270.3 shaqyrym bolatyn 169 nysan paıdalanýǵa berilip, qanaǵattanarlyq jaǵdaıdaǵy joldar úlesin 63,6 paıyzǵa jetkizý josparlanǵan. 

Atalǵan jol-qurylysynyń ishinde 49,8 shaqyrym bolatyn 71 kóshede kúrdeli jóndeý jumystary júrgizilip jatsa, ishki-oram: 151 kóshe men 21,9 shaqyrymdy magıstraldy kóshelerge ortasha jóndeý jumystary júrgizilýde. 

v

Sonymen birge, 277 kóshege shaǵal tas tóselýde. 157 shaqyrym bolatyn joldyń jumystaryna bólingen soma 600 mln teńge. 

Aıta keteıik, qaladaǵy kólik joldarynyń jalpy uzyndyǵy 3200 shaqyrymnan asady. Qazir jaqsy jáne qanaǵattanarlyq jaǵdaıdaǵy joldardyń úlesi 60 paıyz shamasynda. Bul kórsetkish 2018 jyly 53 paıyz bolatyn. Úsh jyl ishinde jol salasynda 592 jobanyń qurylys-jóndeý jumystary atqarylyp, táýir deńgeıdegi joldardyń kólemi 1786 shaqyrymǵa jetken.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar