Fılıppınde áskerıler men lańkester arasynda oryn alǵan qaqtyǵystan 40-qa jýyq adam qaza tapty. Bul týraly 24.kz habarlady.
Fılıppınniń Magındanao provınsııasynda eldiń qarýly kúshteriniń júrgizip jatqan arnaıy operasııasy kezinde qarýly qaqtyǵys bastalǵan. 2 kún ishinde áskerıler sodyrlar jasyrynǵan 3 lagerge shabýyl jasap, 37 lańkestiń kózin joıdy. Operasııa barysynda 1 sarbaz qaza taýyp, 7-eýi jaraqat alǵan.
Qarýly kúsh ókiliniń aıtýynsha, olar ekstremıstterge qarsy urys júrgizip jatyr. Polkovnık Ermoso búlikti lańkester shyǵarǵandyǵyn alǵa tartty. Olar áskerı bazalardyń birine shabýyl jasap, tótenshe jaǵdaı týǵyzǵan eken. Osyǵan baılanysty eldiń qarýly kúshteri arnaıy operasııany bastap ketti. Bul mańaıdaǵy 10 myń adam baspanasyn tastap, qaýipsiz jerge kóshýge májbúr boldy.
Derekterge súıensek, Fılıppınde 40 jyldan beri jalǵasyp kele jatqan qaqtyǵystardan 150 myń adam qaza bolǵan.
Aıdar О́risbaev.
Derekkóz: 24.kz
Foto: Reuters.com
