Olar «Pákistan, Aýǵanstannan ket», «Aýǵan azamattaryn óltirýdi doǵaryńdar», «Biz Ahmad Masýdty jaqtaımyz» jáne «Qarsylyq jasasyn» dep urandatty.
Narazylyq aksııasyna qatysýshylar Ozodı radıosyna olardy eldiń bolashaǵy tolǵandyratynyn, Pákistannyń Aýǵanstannyń ishki isine aralasýyna alańdaıtynyn aıtty. Pákistan Talıbandy qoldaıtynyn, Aýǵanstannyń ishki isine aralasqanyn únemi joqqa shyǵaryp keledi. Alaıda aýǵan elshiligi aldynda beıbit mıtıng ótkizgender Pákistannyń tikeleı aralasýymen tálipter shabýylǵa kóship, resmı Kabýl jeńiliske ushyrady dep esepteıdi.
Olar halyqaralyq qaýymdastyqty Talıban úkimetin moıyndaýdan bas tartýǵa, sonymen birge Ahmad Masýd pen Ulttyq qarsylyq maıdanyn qoldaýǵa shaqyrdy. «Talıban Ámirligin moıyndaý - halyqaralyq qaýymdastyqtyń terrorızmdi moıyndaýymen birdeı», dep málimdedi aksııaǵa qatysýshylardyń biri.
«Aýǵanstannyń Tájikstandaǵy elshisi Muhammad Zohır Agbar Talıban Ámirligi úkimet bıligin ornatyp, memleketti basqara almaıdy dep esepteıdi. Onyń aıtýynsha, tálipter áıelderdiń jumys isteý jáne bilim alý quqyǵyn qurmettemeıdi», dep jazady Ortalyq Azııanyń jańalyqtar qyzmeti.
