Qart jaýynger aldymen aq batasyn berdi. Nurǵasym Ájitaıuly 1925 jyly 1 qańtarda Semeı oblysy Abraly aýdanynyń Saryqamys degen jerinde dúnıege kelgen eken. Ásker qataryna 1943-inshi jyly qańtar aıynda Jańasemeı aýdandyq áskerı komıssarıatynan attanypty. Novosibir qalasyndaǵy mergender mektebin úzdik bitirgen.
Mergen Marshal Malınovskııdiń qolbasshylyǵymen Kerch qalasyn jaý qolynan azat etýge qatysady. 1945-inshi jyly tamyz ben qyrkúıek aılarynda Japonııamen soǵysatyn jaýyngerlerge ilesip, 293-inshi atqyshtar dıvızııasymen kelesi qan maıdanǵa attanǵan. «Qyryq jyl qyrǵyn bolsa da ajaldy óledi» demekshi, ajal ańsaǵan oq qarsha borap turǵan maıdan dalasynan aman kelgen. Birneshe márte keskilesken urysta quralaıdy kózge atqan mergendigi úshin marapattalǵan. Soǵystan keıin Chıtadaǵy ýchılıshede sabaq berip, jas jaýyngerlerdi áskerı qyzmetke baýlıdy. Áskerı áýe ushaqtarynda motorıst bolyp ta eńbek etken.
Almatynyń Naýryzbaı aýdanyndaǵy referendým ýchaskesine batyrlar keldi
Qazaq dalasyna araǵa segiz jyl salyp qana, ıakı 1951 jyly oralǵan. Nurzılát Qusaıynqyzymen shańyraq kóterip, búginde jeti balasynan on nemere, toǵyz shóbere súıip otyr.
Qosshy qalasy,
Aqmola oblysy
