2021 jyldyń basynan beri elorda turǵyndary arasynda jiti respıratorlyq vırýstyq ınfeksııalardyń 32 514 jaǵdaıy tirkelgen, onyń ishinde 14 jasqa deıingi balalar arasynda JRVI-diń 15 635 jaǵdaıy anyqtaldy.
«Sońǵy aptada 1054 adam aýyryp qaldy, onyń ishinde 14 jasqa deıingi balalar – 531, 1 jasqa deıingi balalar – 75. Aldyńǵy aptamen salystyrǵanda 32%-ǵa ósý baıqalady (ótken aptada – 714 jaǵdaı). JRVI-men syrqattanýshylyqtyń aptalyq kórsetkishi baqylaý deńgeıinen aspaıdy. 2020-2021 jj. sońǵy epıdemııalyq maýsymda 25 252 jaǵdaı tirkeldi, onyń ishinde 59,7% nemese 15 090 jaǵdaı balalarǵa tıesili», – dep habarlady Janna Pirálıeva.
Sonymen qatar, onyń aıtýynsha, sońǵy epıdemııalyq maýsymda jáne 2021 jyldyń qazirgi kezeńinde tumaý jaǵdaılary tirkelgen joq.
Maýsymdyq tumaý epıdemııasy kúzgi jáne qysqy aılarda aýrýdyń, aýrýhanaǵa jatqyzýdyń jáne ólimniń aıtarlyqtaı ósýine ákelýi múmkin. Tumaý vırýsynan týyndaǵan ınfeksııa ádette qalypty jáne asqynbaǵan túrde júrse de, ol aýyr aýrýǵa ákelýi múmkin, ásirese egde jastaǵy adamdarda, júkti áıelderde, ilespe medısınalyq jaǵdaılary bar adamdarda jáne jas balalarda.
«Aldaǵy epıdemııalyq maýsymda kúzgi jáne qysqy aılarda jalǵasyp jatqan COVID-19 pandemııasyndaǵy tumaý vırýsynyń aınalymy aýyr zardaptarǵa ákelýi múmkin jáne aýrý aralas ınfeksııamen (tumaý + COVID-19) asqynýy múmkin. Tumaýdyń aldyn-alýdyń naqty ádisi – vaksınasııa. Eger ýaqytynda vaksınasııalanǵan bolsańyz, tipti tumaý vırýsyn juqtyrǵan bolsańyz da, siz aýrýdyń aýyr aǵymynan jáne odan ári múmkin asqynýlardan arylasyz», – dep atap ótti ol.
Tumaýǵa qarsy vaksınasııaǵa jedel febrıldi jaǵdaılar, sozylmaly aýrýlardyń órshý kezeńi, taýyq aqýyzyna allergııalyq reaksııalardyń bolýy jáne anamnezinde basqa tumaý vaksınalary jatady.
Sonymen qatar, elordanyń bas sanıtarlyq dárigeriniń orynbasary tumaýǵa qarsy vaksınasııadan bólek, aýrýdan qorǵaný jáne aldyn alý ádisi – adamdar kóp jınalatyn jerlerge barýdy shekteý, qoǵamdyq oryndarda keminde 1-2 metr qashyqtyqty saqtaý, úı-jaılardy jıi jeldetý, dárýmenderdi qoldaný ekenin eske saldy.
