О́ner • 14 Qyrkúıek, 2021

Devenport, Azat, Rokko...

69 ret kórsetildi

Osydan eki-úsh jyl buryn «Qazaqstan» arnasynan ulttyq boıaýǵa baı, qazaqy ıba men dástúrdi saqtaǵan «Otyńdy óshirme» degen telehıkaıa kórsetilip, kórermender ony óte jyly qabyldady. Telehıkaıada ómirde jıi kezdesetin, ózimiz de kórip júrgen oqıǵa beınelengen. Biraq fılmniń túpki máni adamǵa oı salady.

О́mirde bireýge jasaǵan qııanattyń qarymtasy bar ekendigin túsinesiz. Osy týyndydaǵy basty róldiń biri – Azatty elordadaǵy Qalıbek Qýanyshbaev atyndaǵy Qazaq memlekettik akademııalyq mýzykalyq-drama teatrynyń jas akteri Erǵulan Janpeıisov oınady. Ii jumsaq, momyndaý, óz paıymy az uldyń beınesi jurtshylyqqa jaqsy áser qaldyrdy. Shyn máninde, osy ról onyń akterlik talantyn elge tanytty.

Erǵulan − Qaraǵandy oblysy Balqash qalasynda ómirge kelip, kishkentaıynan ónerge jaqyn bolyp ósedi. Oblystyq, qalalyq Abaı, Muqaǵalı, Oralhan Bókeı oqýlaryna qatysyp, júldeger atanady. Bala degen armanshyl ǵoı, birde ǵaryshker, endi birde ınjener bolsam dep armandaıdy. Mektep bitirgennen keıin ata-anasy «programmıst bol» dep, sonyń oqýyn oqytady. Ony qyzyl dıplommen aıaqtap, týǵan shaharynda «Nur Otan» partııasynyń «Jas Otan» jastar qanatynyń atqarýshy hatshysy, qala ákimdiginde maman sekildi qyzmetterdi atqaryp, túrli mádenı is-sharalardyń basy-qasynda júredi. Tipti birde qalanyń ónerli jastary birigip, spektakl qoıady. Sondaı bir qoıylym ústine kelip qalǵan Almatydaǵy Temirbek Júrgenov atyndaǵy óner akademııasynyń oqytýshylary solardyń ortasynda erekshe kózge túsken Erǵulanǵa: «Sen bizdiń akademııaǵa kelip, akterlik oqýǵa tús, ol seniń qolyńnan keledi» dep usynys aıtady. Bul oǵan oı salady ári tanystary da: «Jaqsy múmkindik, baryp baǵyńdy synap kór» dep jigerin qaıraıdy. Sóıtip, ol Alataýdyń etegindegi ásem qalany emes, Arqa tósinde arýdaı jaınap, qulpyryp ósip kele jatqan astanaǵa barýdy uıǵardy. Sol sheshimmen elordadaǵy Qazaq ulttyq óner ýnıversıtetiniń teatr fakýltetine oqýǵa túsip, tamasha akter, Qazaqstannyń eńbek sińirgen qaıratkeri Aqysh Omardyń kýrsyna qabyldandy.

Talapty jas stýdent kezinen birqatar qysqametrajdy fılmderge túsip, kınonyń qyr-syryn meńgeredi. Biraq joǵary oqý ornyn bitirgennen keıin elordalyq Kallekı teatryna jumysqa qabyldanyp, alǵashynda qatardaǵy quramda, shaǵyn epızodtarda oınap júredi.

Teatr sahnasy – kıeli álem. О́ıtkeni onda kórermenge akterdiń sheberligi, shynaıylyǵy anyq kórinedi. Sahnada artyq qımyl, lepirme sózge oryn joq. Erǵulannyń alǵashqy róli aǵylshyn dramatýrgi Reı Kýnıdiń «Týǵan kún» komedııasyndaǵy Devenport beınesi boldy. Bul ózi komedııa bolǵanmen, astary qalyń, qatparly shyǵarma. Munda aqsha atty qudirettiń adam balasynyń minez-qulqyn áp-sátte ózgertip jiberetin kúshin ashyp kórsetken. Devenport aqsha tabý úshin neshe túrli aılaǵa baryp, eldi aldap júredi. Bylaı aıtqanda, alaıaq. Osy keıipkerdi Erǵulan óz qııalymen baıy­­ta túsip, kórermenge áserli jetkizdi. Odan keıin Italııa dramatýrgi Fýrıo Bordonnyń «Qardaǵy kógershinniń izi» monospektaklinde keıipkerdiń balasyn oınaıdy. Bul qoıylym kórnekti akter Tilektes Meıramovtyń jetpis jyldyq mereıtoıyna oraı sahnalandy. Basty róldegi jalǵyzdyqtan japa shekken qartty Tilektes aǵanyń ózi somdady. Osy qoıylym Erǵulandy jańa bir qyrynan tanytty. Tájirıbesi mol aktermen sahnada qatar oınap, úlken tálim aldy.

Budan soń joǵaryda aıtyp ótken ıtalııalyq dramatýrgtiń belgili rejısser Álimbek Orazbekov sahnalaǵan «Baılanys aıasy… 16+» qoıylymyndaǵy sabyrly, baısaldy keıipker – Rokkony oınady. Bul keıipkerdiń de obrazyn sátti asha bildi.

Bıyl Táýelsizdigimizdiń otyz jyldyǵyna oraı Qalıbek Qýanyshbaev atyndaǵy Qazaq memlekettik akademııalyq mýzykalyq-drama teatrynda sahnalanǵan jazýshy, Memlekettik syılyqtyń laýreaty Roza Muqanovanyń «Bopaı hanym» tarıhı tragedııasynda ol jas Ábilqaıyrdy somdap, kórermenderdiń yqylasyna bólendi.

Erǵulan Janpeıisovti teatr men kınony qatar alyp júrgen, qos qanatty akter dep aıtýǵa bolady. Ásirese ony kıno súıer qaýym «Topyraqqa tamǵan ter», «Otyńdy óshirme» telehıkaıalary arqyly jaqsy biledi.

– «Otyńdy óshirme» telehıkaıasynda akterlik quram myqty boldy. Bári de óz rólderin keremet oryndady. Bul serıal men úshin úlken mektep boldy. Mundaǵy bas­ty keıipker – Azat degen jigit anasynyń aıtqanynan shyǵa almaıdy. Ynjyqtaý, erkeleý. Biraq ómirde men ondaı emespin, ózime senimdimin. Kınoda «kelinshegimdi» kóp renjitemin, sony «ras» dep oılaǵan keıbir kórermender áýejaıda, vokzalda kezdesip qalǵanda: «Sen qandaı ońbaǵansyń, áp-ádemi áıelińdi qor qylyp, tastap kettiń» dep renishin aıtyp jatady. Endi ol kıno ǵoı. Ol kisilerdiń aldynda ne dep aqtalarymdy bilmeımin. Sóıtip, ekinshi «Bekejan» bola jazdadym, – dep kúledi.

Jalpy, Erǵulannyń óner jolynda jetsem deıtin armany kóp, ol teatr sahnasynda ár janrdaǵy keıipkerlerdi somdaǵandy jaqsy kóredi. Ásirese oǵan aıbarly, aıbyndy tulǵalardyń beıneleri kóbirek unaıdy...

Sońǵy jańalyqtar

Pavlodarda jer astynan sý atqylady

Aımaqtar • Búgin, 14:25

12 tamyzǵa arnalǵan aýa raıy boljamy

Aýa raıy • Búgin, 10:30

Birqatar óńirde aýa sapasy nasharlady

Ekologııa • Búgin, 09:45

2186 adam koronavırýstan jazylyp shyqty

Koronavırýs • Búgin, 09:30

Baqytjan Saǵyntaev jańa qyzmetke saılandy

Taǵaıyndaý • Búgin, 09:22

Elorda «jasyl» aımaqqa ótti

Koronavırýs • Búgin, 09:13

Bir kúnde 1643 adamnan koronavırýs anyqtaldy

Koronavırýs • Búgin, 09:00

1/16 fınalǵa shyǵa almady

Tennıs • Búgin, 08:45

Uqsas jańalyqtar