Prezıdent • 15 Qyrkúıek, 2021

Bilim – asa qundy kapıtal

51 ret kórsetildi

Memleket basshysy kezekti Jol­daýynda alda turǵan mańyzdy baǵyt­tarymyz ben maqsat-murat­tarymyzdy anyqtap berdi.

Qazir álemde jaǵdaı aıtarlyqtaı aýyr. Bul koronavırýs pandemııasynyń saldary. Kún saıyn epıdemııalyq jaǵ­daıdyń baǵalaý kórsetkishteri kóńil kónshitpeıdi. Bul barlyq elge úlken qıyndyqtar alyp keldi. Ekonomıkalyq ósý kórsetkishterin tómendetti. Densaý­lyq saqtaý salasyna aıtarlyqtaı kúsh tústi. Bilim berý salasynda onlaın ómirdi qalyptastyrdy. Iá, barlyq salada onlaın jumystar júrip jatqanymen, bilim berý, ǵylym salalarynda bul jumystardyń dástúrli formattaǵydaı bolmaıtyndyǵyna taǵy bir kózimiz jetti. Bul qıyndyqtardy da kezeń-kezeńmen eńserermiz. Prezıdent osy máselelerdi óz Joldaýynda «Pandemııa kezinde qashyqtan oqytýdyń nátıjesi ulttyq telekommýnıkasııa jelileriniń tıimdiligi tómen ekenin kórsetti. Mundaı ahýal negizgi, qarapaıym bilimniń ózin meńgere almaǵan oqýshylardyń sany artýyna ákep soqty. Taǵy bir problema, naǵyz qıyndyq osy deýge bolady, balalar oqýyn tastap ketip jatyr. О́ıtkeni bilim alýdy qajet dep sanamaıtyn boldy», dep atap kórsetti.

Búginde oqýshylar, stýdentter, jas ǵalymdar men ustazdar bilim berý mekemeleri men oqý oryndarynda júz­desti. Bul sátti shákirt te, ustaz da asyǵa kútti. Bul áleýmettik fıloso­fııa­­daǵy shynaıy ómirdiń vırtýaldy ómirden álde­qaıda mańyzdy jáne qun­dy­lyq ekendigin túsindirdi. Onlaın bilim berý­diń paıdasy qosymsha pánder men jeke qyzyǵýshylyqtar úshin taptyrmas múmkindik, al jalpy bilim alýda dás­túrli formattyń jóni bólek.

Bilim – asa qundy kapıtal. Sondyqtan bilimge ınvestısııa salý ózińdi shyńdap qana qoımaı, eline, jerine, Otanyńa qyzmet etetin mańyzdy qadam ekenin esten shyǵarmaý kerek. Bilimdi mamandary bar memlekette ómir súrýdiń barlyq jaǵdaıy turaqty ári sapaly bolady. Ol siz ben bizdiń densaýlyǵymyzdy, ómirimizdi uzartatyn birden-bir faktor. Sondyqtan Prezıdent Joldaýyndaǵy sapaly bilim berý qaǵıdaty ár ýaqyt­ta mańyzdylyǵyn joǵaltpaıtyn jaýap­kershiligi mol mindet. Bilim kapıtaly myqty eldiń qaı salasynda da ilgerileý bolatyny anyq. Sondyqtan bilim kapıtalyn arttyryp, ǵylymǵa da tereń mán bergenimiz abzal. О́ıtkeni ǵylym ult damýynyń negizgi kórsetkishi.

Prezıdent Joldaýda: «Ǵylymdy damytý – bizdiń asa mańyzdy basym­dyǵymyz. Bul saladaǵy túıtkilderdiń sheshimin tabý úshin jyldyń sońyna deıin zańnamaǵa ózgerister engizý qajet. Eń aldymen, jetekshi ǵalymdarymyz­ǵa turaqty jáne óz eńbegine laıyq­ty jalaqy tóleý máselesin sheshý kerek. Muny ǵylymǵa bólinetin bazalyq qarajat esebinen qamtamasyz etken jón», dep tıisti mınıstrlik pen ǵylymı mekemelerge, oqý oryndaryna tapsyrma júktedi. Sonymen qatar ǵalymdardyń ǵylymı jobalaryna beriletin ýaqyt­ty da arttyrý kerektigin basa aıtty. Bul mańyzdy sheshim boldy. О́ıtkeni ǵylymı jobalardy bir nemese birneshe jylda aıaqtap shyǵý asyǵystyq bolatyny sózsiz. Sondyqtan bul máselege Prezıdent asa muqııat qarap, ýaqy­tyn sozýdy janashyrlyqpen jetkizdi. Otandyq ǵalymdarymyz úshin bul jaqsy jańalyq bolǵany sózsiz.

Prezıdent Joldaýy – ýaqyt talabyna saı jaýap beretin mańyzdy qujat. Sondyqtan onyń ár bólimindegi kóterilgen máseleler men tapsyrmalar ult erteńi úshin atqarylatyn naqty jol. Sol jolda jolymyz ashyq, eńbegimiz jemisti bolǵaı!

 

Dosjan BALABEKULY,

ál-Farabı atyndaǵy Qazaq ulttyq ýnıversıteti fılosofııa jáne saıasattaný fakýltetiniń oqytýshysy

 

ALMATY

 

Sońǵy jańalyqtar

Kabýlda jarylys boldy

Oqıǵa • Keshe

Almatyda baqylaý kúsheıtildi

Koronavırýs • Keshe

Tiliksiz ota jasaldy

Medısına • Keshe

Uqsas jańalyqtar