Bilim • 15 Qyrkúıek, 2021

Nyǵmatýlın Bilim jáne ǵylym mınıstrligin synǵa aldy

691 ret kórsetildi

Májilis tóraǵasy Nurlan Nyǵmatýlın Bilim ján ǵylym mınıstrligin bala quqyǵyn qorǵaý týraly zań jobasyn qabyldaýdy keshiktirip jatqany úshin synǵa aldy, dep jazady Egemen.kz.

Qoldanystaǵy zańnamaǵa sáıkes, sábıler úıindegi bala 3 jasqa tolǵan soń balalar úıine aýystyrylady. Zań jobasynda osy merzimdi 3 jastan 6 jasqa deıin ulǵaıtý qarastyrylǵan. Depýtattar buǵan deıin túzetýlerdi maquldaǵan bolatyn, biraq Úkimet bul bastamany qoldamady.

BǴM vıse-mınıstri Bıbigúl Asylova jasty ulǵaıtý máselesi boıynsha ÚEU men qoǵamdyq uıymdardyń túrli pikiri bolǵanyn túsindirdi. Tolyǵyraq zertteý úshin Nur-Sultan qalasy, Shyǵys Qazaqstan, Qyzylorda jáne Aqtóbe oblystarynda pılottyq jobany júrip jatqanyn, ony 2026 jyldyń tamyzynda aıaqtaý josparlanǵanyn atap ótti. Pılottyq jobanyń nátıjesin Altynsarın atyndaǵy bilim akademııasynyń mamandary zertteıtin bolady.

Májilis spıkeri Nurlan Nyǵmatýlın 2019 jyldyń kókteminde Nursultan Nazarbaevtyń Úkimetke osy máseleni zertteýdi tapsyrǵanyn eske saldy. Bul bastamany Premer-Mınıstr Asqar Mamın, VI jáne VII shaqyrylym depýtattary qoldaǵan.

«Úkimettiń qorytyndysyna sáıkes, 7-shi shaqyrylym depýtattarynyń sábıler úıinde bolý merzimin uzartý máselesin qaraý týraly usynysyn Premer-Mınıstr maquldady. Dálel keltirildi: bul olardyń emosıonaldy jáne psıhologııalyq kúıi úshin qajet. Bul eń bastysy, qurmetti vıse-mınıstr. Siz qandaı úkimetpen jumys isteısiz, túsinbedim?», dedi Nyǵmatýlın.

Májilis spıkeri BǴM vıse-mınıstrinen bes jylǵa sozylatyn pılottyq jobanyń ne úshin qajet ekenin túsindirýdi surady.

«Bul óte qatygez tájirıbe, eń bıýrokratııalyq ádis, 2026 jylǵa deıin sozyp júre bermeksizder. Bala úsh jasqa tolǵanda basqa úıge aýystyrady. Tipti eresek adamnyń basqa ortaǵa aýysýy stress bolady. Nege oılamaısyz? Pılottyq joba ne úshin qajet?», dedi ol.

Bıbigúl Asylova pılottyq joba zertteý úshin qajet ekenin túsindirdi.

Nurlan Nyǵmatýlın ekinshi oqýǵa deıin memlekettik organdardyń pikiri men ustanymyn eskere otyryp, normany aıaqtaýdy tapsyrdy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar