2013 jylǵy 31 jeltoqsan Astana, Úkimet Úıi
Qazaqstan Respýblıkasynyń Ulttyq kásipkerler palatasy seziniń sheshimderine Qazaqstan Respýblıkasy Úkimetiniń veto qoıý jáne kelisý rásimderi arqyly ony eńserý qaǵıdalaryn bekitý týraly
2013 jylǵy 31 jeltoqsan Astana, Úkimet Úıi
Qazaqstan Respýblıkasynyń Ulttyq kásipkerler palatasy seziniń sheshimderine Qazaqstan Respýblıkasy Úkimetiniń veto qoıý jáne kelisý rásimderi arqyly ony eńserý qaǵıdalaryn bekitý týraly
«Qazaqstan Respýblıkasynyń Ulttyq kásipkerler palatasy týraly» 2013 jylǵy 4 shildedegi Qazaqstan Respýblıkasynyń Zańy 19-babynyń 2-tarmaǵyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasynyń Ulttyq kásipkerler palatasy seziniń sheshimderine Qazaqstan Respýblıkasy Úkimetiniń veto qoıý jáne kelisý rásimderi arqyly ony eńserý qaǵıdalary bekitilsin.
2. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń
2013 jylǵy 31 jeltoqsandaǵy №1525 qaýlysymen bekitilgen
Qazaqstan Respýblıkasynyń Ulttyq kásipkerler palatasy seziniń sheshimderine Qazaqstan Respýblıkasy Úkimetiniń veto qoıý jáne kelisý rásimderi arqyly ony eńserý qaǵıdalary
Osy Qazaqstan Respýblıkasynyń Ulttyq kásipkerler palatasy seziniń sheshimderine Qazaqstan Respýblıkasy Úkimetiniń veto qoıý jáne kelisý rásimderi arqyly ony eńserý qaǵıdalary (budan ári – Qaǵıdalar) «Qazaqstan Respýblıkasynyń Ulttyq kásipkerler palatasy týraly» 2013 jylǵy 4 shildedegi Qazaqstan Respýblıkasy Zańyna (budan ári – Zań) sáıkes ázirlendi jáne Qazaqstan Respýblıkasynyń Ulttyq kásipkerler palatasy (budan ári – Ulttyq palata) seziniń sheshimderine Qazaqstan Respýblıkasy Úkimetiniń veto qoıý jáne kelisý rásimderi arqyly ony eńserý tártibin aıqyndaıdy.
1. Veto qoıý tártibi
1. Ulttyq palata seziniń jumysyna qatysyp otyrǵan Qazaqstan Respýblıkasy Úkimetiniń músheleri (budan ári – Úkimet músheleri) Ulttyq palata sezi otyrysynyń barysynda Ulttyq palata sezi qabyldaǵan sheshimmen kelispegen jaǵdaıda, Ulttyq palata sezi sheshiminiń hattamasynda kórsetiletin óziniń erekshe pikirin bildiredi.
2. Úkimet músheleriniń erekshe pikiri bar Ulttyq palata seziniń sheshimin Ulttyq palata oǵan qol qoıylǵan kúnnen bastap bir jumys kúni ishinde Qazaqstan Respýblıkasynyń Úkimetine jiberedi.
3. Úkimet músheleriniń erekshe pikiri bar Ulttyq palata seziniń sheshimi tıisti saladaǵy ýákilettik organǵa, sondaı-aq ózge de múddeli memlekettik organdarǵa qaraýǵa jiberiledi.
4. Qarsylyqtary bar máselelerdi qaraý nátıjeleri Qazakstan Respýblıkasy Úkimetiniń 2002 jylǵy 10 jeltoqsandaǵy №1300 qaýlysymen bekitilgen Qazaqstan Respýblıkasy Úkimetiniń Reglamentinde kózdelgen Qazaqstan Respýblıkasy Úkimetiniń otyrystaryn daıyndaý jáne ótkizý tártibine sáıkes Qazaqstan Respýblıkasy Úkimetiniń otyrysyna shyǵarylady.
2. Vetony eńserý tártibi
5. Qazaqstan Respýblıkasy Úkimetiniń sheshimimen kelispegen jaǵdaıda, Ulttyq palata Qazaqstan Respýblıkasynyń Úkimetine Qazaqstan Respýblıkasy Úkimetiniń vetosyn eńserý nıeti týraly hat joldaıdy.
6. Qazaqstan Respýblıkasy Úkimetiniń veto qoıý týraly sheshimi Ulttyq palata seziniń sheshimderine Qazaqstan Respýblıkasy Úkimetiniń vetosyn eńserý jónindegi kelisý komıssııasyn (budan ári – Kelisý komıssııasy) qurý jolymen kelisý rásimderi arqyly eńseriledi.
7. Kelisý komıssııasy osy Qaǵıdalardyń 5-tarmaǵynda kórsetilgen Ulttyq palatanyń haty túsken kúnnen bastap 10 jumys kúni ishinde Qazaqstan Respýblıkasy Premer-Mınıstriniń ókimimen qurylady.
8. Kelisý komıssııasy Qazaqstan Respýblıkasy Úkimetiniń jáne Ulttyq palata ókilderiniń teń sanynan tepe-teń bastamada qurylady.
9. Kelisý komıssııasynyń quramyna Qazaqstan Respýblıkasynyń Úkimetinen quzyretine erekshe pikir bar máselelerdi qaraý kiretin memlekettik organdardyń ókilderi engizilýi múmkin.
10. Kelisý komıssııasynyń tóraǵasy Qazaqstan Respýblıkasy Úkimetiniń ókilderi quramynan saılanady.
11. Kelisý komıssııasynyń sheshimi ashyq daýys berý arqyly Kelisý komıssııasy músheleriniń qarapaıym kópshilik daýsymen qabyldanady, al daýystar teń bolǵan jaǵdaıda, komıssııa tóraǵasynyń daýsy sheshýshi bolyp sanalady.
12. Kelisý komıssııasy jumys qorytyndylary boıynsha odan ári Qazaqstan Respýblıkasy Úkimetiniń otyrysyna shyǵarý jáne túpkilikti sheshim qabyldaý maqsatynda Qazaqstan Respýblıkasynyń Úkimetine jiberiletin usynymdar ázirleıdi.
13. Qazaqstan Respýblıkasy Úkimetiniń vetosyn eńserý osy Qaǵıdalardyń 4-tarmaǵyna sáıkes Qazaqstan Respýblıkasy Úkimetiniń tıisti sheshimimen resimdeledi.
Qazaqstan Respýblıkasy Úkimetiniń vetosy eńserilmegen Ulttyq palata seziniń sheshimderi qoldanysqa engizilmeıdi.
