Jyl basynan beri jemqorlyq faktisimen anyqtalǵandardyń úshten biri - jergilikti atqarýshy organdarǵa jáne olarǵa baǵynysty mekemelerge tıesili. Onyń 11-i bilim berý salasynda eken.
Olardyń arasynda Qapshaǵaı qalasy bilim berý bóliminiń basshysy óziniń qyzmettik jaǵdaıyn paıdalana otyryp, aldyn ala sóz baılasý arqyly júıeli negizde jeke kásipkerlerdiń esep shotyna olarmen qyzmet kórsetýge jáne orta mektepterde jumys kólemderin naqty oryndaýǵa sharttar jasaspaı, jalpy somasy 1 mln teńgeden astam bıýdjettik aqsha qarajatyn zańsyz aýdarǵany jáne júıeli túrde para alǵany úshin, 2 jyl merzimge bas bostandyǵynan shekteldi.
Sonymen qatar, Kóksý aýdanynyń bilim berý bóliminiń basshysy bilim berý mekemelerine 9 dezınfeksııalaý tonnelin jetkizý jáne ornatý boıynsha memlekettik satyp alý týraly shart boıynsha oryndalǵan jumystardyń aktilerine qol qoıǵany jáne JShS dırektorynan 150 000 teńge somasynda para alǵany úshin, jalpy, 4,5 mln teńge kóleminde aıyppul salyndy.
J.Jumabaevtyń aıtýynsha, oblysta bıyl 8 aıda 69 adam jemqorlyq faktisi boıynsha sottaldy, onyń ishinde 64 adam 116,9 mln teńgeden astam somaǵa aıyppulǵa, 2 adam bas bostandyǵyn shekteýge, 3 adam bas bostandyǵynan aıyrýǵa, múlki tárkilenip jáne memlekettik qyzmette qyzmet atqarý quqyǵynan ómir boıyna aıyryldy.
