2013 jylǵy 31 jeltoqsan Astana, Úkimet Úıi
«Mehanıkalyq kólik quraldaryn jáne olardyń tirkemelerin mindetti tehnıkalyq baıqaýdy uıymdastyrý jáne júrgizý qaǵıdasyn, tehanıkalyq kólik quraldaryn jáne olardyń tirkemelerin mindetti tehnıkalyq baıqaýdan ótkizýdiń kezeńdiligin, sondaı-aq tehnıkalyq baıqaýdyń dıagnostıkalyq kartasynyń nysanyn bekitý týraly»
2013 jylǵy 31 jeltoqsan Astana, Úkimet Úıi
«Mehanıkalyq kólik quraldaryn jáne olardyń tirkemelerin mindetti tehnıkalyq baıqaýdy uıymdastyrý jáne júrgizý qaǵıdasyn, tehanıkalyq kólik quraldaryn jáne olardyń tirkemelerin mindetti tehnıkalyq baıqaýdan ótkizýdiń kezeńdiligin, sondaı-aq tehnıkalyq baıqaýdyń dıagnostıkalyq kartasynyń nysanyn bekitý týraly»
Qazaqstan Respýblıkasy Úkimetiniń 2011 jylǵy 17 mamyrdaǵy № 523 qaýlysyna ózgerister engizý týraly
Qazaqstan Respýblıkasynyń Úkimeti qaýly etedi:
1. «Mehanıkalyq kólik quraldaryn jáne olardyń tirkemelerin mindetti tehnıkalyq baıqaýdy uıymdastyrý jáne júrgizý qaǵıdasyn, mehanıkalyq kólik quraldaryn jáne olardyń tirkemelerin mindetti tehnıkalyq baıqaýdan ótkizýdiń kezeńdiligin, sondaı-aq tehnıkalyq baıqaýdyń dıagnostıkalyq kartasynyń nysanyn bekitý týraly» Qazaqstan Respýblıkasy Úkimetiniń 2011 jylǵy 17 mamyrdaǵy № 523 qaýlysyna (Qazaqstan Respýblıkasynyń PÚAJ-y, 2011 j., № 39, 474-qujat) mynadaı ózgerister engizilsin:
1) kórsetilgen qaýlymen bekitilgen Mehanıkalyq kólik quraldaryn jáne olardyń tirkemelerin mindetti tehnıkalyq baıqaýdy uıymdastyrý jáne júrgizý qaǵıdasynda:
20, 21 jáne 22-tarmaqtar mynadaı redaksııada jazylsyn:
«20. Keste tehnıkalyq baıqaý operatorlarynyń tizilimine engizý týraly habarlamany alǵan kúninen bastap kúntizbelik on bes kún ishinde qyzmet óńiri sheginde jergilikti atqarýshy organǵa kelisýge usynylady.
Kesteni keıinnen jergilikti atqarýshy organǵa kelisýge usynýdy tehnıkalyq baıqaý operatory jyl saıyn qyzmet óńiri sheginde kólik quraldaryn mindetti tehnıkalyq baıqaýdy ótkizý bastalǵanǵa deıin, kúntizbelik otyz kúnnen keshiktirmeı júzege asyrady.
21. Jergilikti atqarýshy organ kelisýge usynylǵan kesteni túsken kúninen bastap bes júmys kúni ishinde qaraıdy.
22. Kesteni jergilikti atqarýshy organmen kelisken kúninen bastap
kúntizbelik on kún ishinde tehnıkalyq baıqaý operatory qyzmet óńirindegi halyqty keste týraly habardar etedi.»;
47-tarmaq mynadaı redaksııada jazylsyn:
«47. Mindetti tehnıkalyq baıqaýdan ótkendigi týraly kýálikke tehnıkalyq baıqaý operatorynyń basshysy nemese osyǵan ýákilettik berilgen tulǵa qol qoıady.»;
63, 64, 66-tarmaqtar mynadaı redaksııada jazylsyn:
«63. Tehnıkalyq baıqaý operatorynyń tehnıkalyq baıqaýdyń stasıonarlyq jelileriniń kólik quraldaryn mindetti tehnıkalyq baıqaýdy júrgizýi boıynsha aqparaty kún saıyn onlaın rejıminde mindetti tehnıkalyq baıqaýdyń biryńǵaı aqparattyq júıesine beriledi.
64. Tehnıkalyq baıqaý operatorynyń tehnıkalyq baıqaýdyń utqyr jelileriniń kólik quraldaryn mindetti tehnıkalyq baıqaýdy júrgizýi boıynsha aqparaty kúntizbelik eki kúnde bir ret mindetti tehnıkalyq baıqaýdyń biryńǵaı aqparattyq júıesine beriledi.
66. Mindetti tehnıkalyq baıqaýdyń biryńǵaı aqparattyq júıesinde kólik quraldarynyń mindetti tehnıkalyq baıqaýdan ótkendigi týraly kýálikter blankileriniń nómirlik esebi júrgiziledi.»;
68 jáne 69-tarmaqtar alynyp tastalsyn;
2) kórsetilgen qaýlymen bekitilgen mehanıkalyq kólik quraldaryn jáne olardyń tirkemelerin mindetti tehnıkalyq baıqaýdan ótkizýdiń kezeńdiligi osy qaýlyǵa qosymshaǵa sáıkes jańa redaksııada jazylsyn.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
Qazaqstan Respýblıkasy Úkimetiniń
2013 jylǵy 31 jeltoqsandaǵy №1532 qaýlysyna qosymsha
Qazaqstan Respýblıkasy Úkimetiniń 2011 jylǵy 13 mamyrdaǵy № 523 qaýlysymen bekitilgen
Mehanıkalyq kólik quraldaryn jáne olardyń tirkemelerin mindetti tehnıkalyq baıqaýdan ótkizýdiń kezeńdiligi
1. Jol qozǵalysy qaýipsizdigi boıynsha ortalyq atqarýshy organda tirkelgen mehanıkalyq kólik quraldaryn jáne olardyń tirkemelerin mindetti tehnıkalyq baıqaýdan ótkizý tehnıkalyq baıqaý ortalyqtarynda mynadaı kezeńdilikpen júrgiziledi:
1) árbir 12 aı saıyn - shyǵarylǵan jylyn qosa alǵanda, 7 jyl jáne odan asatyn;
2) árbir 24 aı saıyn - shyǵarylǵan jylyn qosa alǵanda, 3 jyldan 7 jylǵa deıin;
3) árbir 36 aı saıyn - shyǵarylǵan jylyn qosa alǵanda, 3 jylǵa deıin.
2. Adamdardy tasymaldaý úshin- jabdyqtalǵan avtobýstar, shaǵyn avtobýstar jáne taksıler, sondaı-aq júk avtomobılderi menshik nysanyna jáne shyǵarylǵan jylyna qaramastan, mindetti tehnıkalyq baıqaýdan árbir alty aı saıyn ótedi.
3. Qaýipti júkterdi tasymaldaýǵa arnalǵan jáne jabdyqtalǵan avtokólik qúraldary menshik nysanyna jáne shyǵarylǵan jylyna qaramastan, mindetti tehnıkalyq baıqaýdan árbir alty aı saıyn ótedi.
4. Júk avtomobılderi jáne olarǵa tirkemeler menshik nysanyna jáne shyǵarylǵan jylyna qaramastan, mindetti tehnıkalyq baıqaýdan árbir 12 aı saıyn ótedi.
5. Mehanıkalyq kólik quraldarynyń jáne olardyń tirkemeleriniń budan keıingi mindetti tehnıkalyq baıqaýdan ótý merzimi 1, 2, 3 jáne 4-tarmaqtarda kórsetilgen kezeńdilikke sáıkes bastapqy mindetti tehnıkalyq baıqaýdan ótý kúninen bastap esepteledi.
