Pákistan Premer-Mınıstrimen kezdesý barysynda Qasym-Jomart Toqaev ózara senim men syılastyqqa negizdelgen ekijaqty qatynastardyń deńgeıi joǵary ekenin atap ótti. Memleket basshysy ortaq múddeni kózdeıtin salalardaǵy kólik-logıstıkalyq baılanystardy nyǵaıtý úshin jańa múmkindikterdi qarastyrýǵa shaqyrdy.
Qazaqstan Prezıdenti saýda-ekonomıkalyq, ǵylymı-tehnologııalyq jáne mádenı yntymaqtastyqty arttyrý máselesine arnaıy toqtalyp, Imran Handy Qazaqstanǵa saparmen kelýge shaqyrdy.
Pákistan Premer-Mınıstri óz kezeginde eki el arasyndaǵy saýda-ekonomıkalyq yqpaldastyqty nyǵaıtýǵa septigin tıgizetin logıstıkalyq múmkindikterdi damytý mańyzdy ekenin aıtty, sondaı-aq, Qazaqstan Prezıdentin Pákistanǵa saparmen kelýge shaqyrdy. Kezdesýde olar Aýǵanstandaǵy ahýal men óńirlik qaýipsizdikti qamtamasyz etý máseleleri jónindegi oılarymen bólisti.
